Naggagamit daw Kamo nin mga Handbill?

Sarong aldaw an sarong 11 anyos na aking lalaki may nakuang sarong handbill na nagpapaisi nin lekturang pampubliko manongod sa temang impierno. “Nagkainteres akong marhay digdi,” an paliwanag nia kan huri, “ta garo baga pirme na sanang sala an ginigibo ko, asin kun siring ikinakahadit kong gayo an pagduman sa nagkakalayong impierno kun magadan ako.” Nag-atender sia kan lektura, asin pakalihis nin mga sarong taon, pakatapos nin nagkapirang sesyon nin pag-adal sa Biblia, sia nabautismohan. Sa siring na paagi nagpoon an Kristianong ministeryo ni Karl Klein, na kan huri naglingkod nin dakol na taon bilang miembro kan Namamahalang Grupo kan Mga Saksi ni Jehova. Gabos iyan nagpoon paagi sa sarong handbill.

An mga handbill epektibo pa man giraray na kasangkapan sa pagpapatotoo ngonyan. Nanompongan nin dakol na parahayag na an pagtao nin sarong kopya sa sarong tawo sarong kombenyenteng paagi na iintrodusir an saindang sadiri asin makapoon nin mga pakikipag-olay. Puedeng papartisiparon nin mga magurang an saindang mga aki sa ministeryo paagi sa pagtao kan mga ini nin handbill sa kagharong. An mga parahayag na nagpapatotoo paagi sa pagsurat puedeng ipaisi an mga pagtiripon paagi sa paglakip nin sarong handbill. Asin, siempre, an mga handbill sarong kombenyenteng paagi na imbitaran an mga inaadalan sa Biblia asin iba pang mga interesado na umatender sa satong mga pagtiripon.

Ginagamit daw nindong marhay an mga handbill sa saindong ministeryo?