Hapot

◼ Angay daw na ibugtak an satong personal na e-mail address sa mga babasahon na idinidistribwir niato?

Paagi sa sarong tatak o inimprentang ngaran, ibinugtak nin nagkapirang parahayag an saindang personal na e-mail address sa mga magasin o pulyeto na ipinapasakamot ninda sa iba. Sa siring, puedeng kontakon kan mga nag-aako kan mga babasahon an parahayag tanganing maghagad sinda nin dugang pang impormasyon. May marahay na intension sa siring na mga paghihingoa na tabangan an mga interesado. Minsan siring, an satong opisyal na Web site yaon na sa likod kan mga magasin asin pulyeto. Kun siring, pinakamarahay kun dai kita mabugtak nin personal na e-mail address sa mga babasahon.

Personal nang desisyon kun baga an sarong parahayag magtatao sa mga tawo sa teritoryo nin impormasyon kun paano sia kokontakon na nasa nakasuway na papel, nangorogna kun nagdadalaw liwat. Maninigo na magsadiring boot kita na dalawon liwat an mga interesado imbes na ipabaya na sana sa sainda an pagkontak sa sato para sa dugang pang impormasyon. An tunay na personal na interes mas pasil na ikakapaheling kun personal na nakikipag-olay sa tawo.