Kun Ano an Sasabihon Manongod sa mga Magasin

The Watchtower Hunyo 1

“Dakol na tawo an nagkokonsulta sa saindang horoscope bago maggibo nin mga desisyon. Sa paghona daw nindo may epekto sa satong buhay an mga bitoon? [Pasimbagon.] Interesante nanggad, nasambitan kan Biblia an mga konstelasyon kan zodiac. [Basahon an 2 Hade 23:5.] An artikulong ini nagtatao kan punto de vista kan Biblia.” Itampok an artikulo na nagpopoon sa pahina 18.

Awake! Hunyo

“An mga relihion parateng naghahagad nin bayad para sa mga pagbunyag, pagkasal, asin paglobong. Sa paghona daw nindo tama iyan? [Pasimbagon.] Helinga an mga instruksion na ini na itinao ni Jesus sa saiyang mga disipulo. [Basahon an Mateo 10:7, 8b.] Ipinapaheling kan artikulong ini an sinasabi kan Biblia manongod sa paghagad nin bayad para sa relihiosong mga seremonya.” Itampok an artikulo na nagpopoon sa pahina 22.

An Torrengbantayan Hulyo-Setyembre

“An Makakamhan sa Gabos inaapod sanang Dios nin dakol na tawo. Pero, aram daw nindo na sinasabi sa sato kan Biblia an ngaran nin Dios? [Pasimbagon. Dangan basahon an Isaias 42:8a.] Ipinapaliwanag kan magasin na ini kun taano ta hinale an ngaran nin Dios sa nagkapirang traduksion nin Biblia asin kun ano an boot sabihon kan pagmidbid sa Dios sa ngaran.”

Awake! Hulyo

“Nagin dahelan nin grabeng kahaditan an ekonomiya ngonyan. An mga mayo nin trabaho natetension, asin an mga may trabaho nahahadit na mawaran nin trabaho. Sa paghona daw nindo marahay na sadol ini tanganing makaya niato iyan? [Basahon an Mateo 6:34. Dangan pasimbagon.] An magasin na ini nagtatao nin praktikal na mga suhestion kun paano babadyeton an satong kuarta asin kun paano kokontrolon an satong emosyon.”