Sarong Paagi na Magagamit an Brosyur na Mensahe kan Biblia

Dakol sa satong teritoryo an bakong pamilyar sa Biblia, nangorogna an mga miembro nin mga relihion na bakong Kristiano. Kun nagkokondukta nin pag-adal sa siring na mga tawo gamit an librong Itinotokdo kan Biblia, ginagamit man nin nagkapirang parahayag an brosyur na Mensahe kan Biblia tanganing matabangan an inaadalan ninda na magkaigwa nin pangkagabsan na ideya dapit sa Biblia. Halimbawa, ginagamit nin sarong tugang na lalaki an seksion 1 kan brosyur kun nagkokondukta nin pag-adal sa kapitulo 3 kan Itinotokdo kan Biblia. Pagkatapos kaiyan, tinotokar nia an saro pang seksion sa katapusan nin kada pag-adal. May inaadalan daw kamo sa Biblia na dikit sana an aram o mayo ngani nin aram sa Biblia? Tanganing matabangan siang manodan ‘an mga banal na surat, na nakakapadonong saiya manongod sa kaligtasan,’ gamiton man an Mensahe kan Biblia bilang dagdag na impormasyon sa Itinotokdo kan Biblia.—2 Tim. 3:15.