Sampol na mga Presentasyon

Sa Pagpuon nin mga Pag-adal sa Bibliya sa Inot na Sabado nin Nobyembre

“May halipot lang kaming pagdalaw digdi sa saindo. Dakul sa mga nakakaulay mi an nagsasabi na an pagkagadan nin sarong mahal sa buhay an saro sa pinakamasakit atubangon na sitwasyon. Arog man daw kaiyan an pagmati nindo? [Pasimbagon.] Tibaad makatabang ini sa saindo.” Ipahiling an likod kan An Torrengbantayan na Nobyembre-Disyembre, asin pag-ulayan an inot na hapot saka kisiyera saro sa sitadong mga teksto. Ialok an mga magasin, asin iareglo an pagdalaw liwat para pag-ulayan an sunod na hapot.

An Torrengbantayan Nobyembre-Disyembre

“May halipot lang kaming pagdalaw. Dinadagka mi an mga tawo na basahon an Bibliya. Aram mi na may mga tawong interesado sa Bibliya pero may iba na dai. Kamo po? [Pasimbagon.] Ini an prangkang sinasabi kan Bibliya. [Basahon an 1 Tesalonica 2:13.] Siguradong mauyon kamo na kun totoo na an Bibliya sarong libro na gikan sa Diyos, maninigo ining basahon. Ipinapaliwanag kan magasin na ini kun ano an laog kan Bibliya asin kun taano ta maninigo kitang magin interesado diyan.”

Awake! Nobyembre

“May halipot lang kaming pagdalaw. Dakul kayang tawo an nahahadit ta garo baga nagrururo na an mga pamantayan sa moral. Sa paghuna nindo, ibinaba na daw kan mga tawo an pamantayan ninda sa moral? [Pasimbagon.] Ihinula kan Bibliya na mabago an ugali asin paggawi nin mga tawo. [Basahon an 2 Timoteo 3:1-5.] Ipinapaliwanag kan magasin na ini kun taano ta makakapagtiwala kita sa mga pamantayan sa moral na yaon sa Bibliya.”