Pagpauswag kan Satong Kakayahan sa Ministeryo​—Pagbugtak nin Pundasyon Para sa Pagdalaw Liwat

Kun Taano ta Mahalaga: Pag may nanumpungan kitang nagpahiling nin interes, gusto tang magdalaw liwat tanganing baribian an banhi kan katotoohan na satong itinanom. (1 Cor. 3:6) Sa parati, bago maghali, kinakaipuhan tang magbugtak nin pundasyon para sa pagdalaw liwat paagi sa pag-aram kun nuarin kita puwedeng bumalik. Marahay man na magbangon kita nin hapot na sisimbagon sa sunod tang pagdalaw. Makakatabang ini para antisiparon kan kagharong an satong pagdalaw liwat, asin kun an simbag sa hapot yaon sa publikasyon na iwinalat ta, posibleng marhay na basahon niya iyan. Mas nagigin pasil man an pagdalaw liwat huling igwa na kita nin temang pag-uulayan, asin aram na kan kagharong kun ano an pag-uulayan. Sa satong pagdalaw liwat, puwede tang sabihon na nagbalik kita tanganing simbagon an ibinangon tang hapot, dangan ipagpadagos an pag-uulay.