“Dai Ko na Naman Siya Naabutan sa Harong!”

Nasabi mo na daw iyan dapit sa saro na nagpahiling nin interes? Dawa pauruutro mong pinurbaran na dalawon siya, dai mo mabaribian an banhi kan katotoohan na saimong itinanom. (1 Cor. 3:6) Kun beses, an eksperyensiyadong mga parahayag naggigibo nin surat para sa mga dai ninda naaabutan sa harong, o kaya minawalat nin halipot na mensahe sa pinto kaini. Inaasahan na nin ibang parahayag na masakit na maabutan giraray an kagharong kaya hinahagad ninda an numero kan cellphone nin sarong interesado, tibaad sa pagsabing, “Puwede takang i-text bago ako magdigdi saimo?” Puwede tang ireport na pagdalaw liwat pag nakaulay ta giraray an sarong interesado o pag nagpatotoo sa saiya paagi sa surat, e-mail, text, halipot na surat na iwinalat sa saindang pinto, o pag-apod sa telepono. Dawa bihira siyang nasa harong, puwede tang mapatalubo an saiyang interes.