Pagpauswag Kan Satong Kakayahan Sa Ministeryo​—Pagpapatotoo Paagi sa Telepono

KUN TAANO TA MAHALAGA: An pagpapatotoo sa telepono sarong mahalagang paagi na “lubos na magpatotoo manungod sa maugmang bareta.” (Gi 20:24)a Paagi kaiyan napapatotoohan ta an saro pag dai itinutugot kan mga kamugtakan niyato na dalawon siya nin personal.

KUN PAANO GIGIBUHON:

• 

  Mag-andam. Pumili nin angay na tema. Dangan gumibo nin outline kan gusto mong sabihon. Puwede ka man mag-andam nin halipot na mensahe na nagpapaliwanag kan dahilan kan pag-apod mo enkaso an magsimbag saimo answering machine. Makakatabang kun yaon na sa lamesa mo an outline asin iba pang bagay na kakaipuhanon mo, arog kan gadyet na nakabukas an JW Library^® o jw.org^®

• 

  Magin relaks. Magtaram nin natural. Magngirit asin magmustra na garo baga nahihiling ka kan kaulay mo. Likayan an dai kinakaipuhan na pagpundo. Makakatabang kun may kaiba ka. Kun maghapot an kagharong, utruhon iyan nin makusog tanganing matabangan ka kan kapartner mo na mahanap an simbag

• 

  Magwalat nin punto na pag-uulayan sa pagdalaw liwat. Kun magpahiling nin interes an kaulay mo, puwede kang magwalat nin hapot na sisimbagon mo sa sunod na pag-apod mo. Puwede mo man ialok na i-e-mail, personal na itao, o ipadara an sarong espesipikong publikasyon. O puwede mo man i-text o i-e-mail an saro sa satong mga video o artikulo. Kun angay, sabihon sa kaulay mo an manungod sa satong Online Bible Study Lessons o iba pang bagay sa satong website