Nag-aandam Ka Daw Para sa Memoryal?
Nisan 13 kan 33 C.E. kaidto. Aram ni Jesus na sarong banggi na sana niyang makakaibanan an pinakadayupot niyang mga kairiba bago siya gadanon. Iseselebrar niya an huri niyang Paskuwa kaiba ninda dangan pupunan an sarong bagong okasyon, an Pamanggihan kan Kagurangnan. Kaipuhan nanggad na pag-andaman an siring kaimportanteng okasyon. Kaya isinugo niya si Pedro asin Juan tanganing andamon an mga bagay-bagay. (Luc. 22:7-13) Puon kaidto, taon-taon nang nag-aandam para sa okasyon na ini an mga Kristiyanong nagmamawot na iselebrar an Memoryal. (Luc. 22:19) Anong mahahalagang bagay an kaipuhan tang gibuhon bilang pag-andam sa maabot na Memoryal sa Abril 3?
Aandamon kan mga Parahayag:
Iareglo na lubos na makikabtang sa kampanya nin pag-imbitar sa Memoryal.
Gumibo nin listahan nin mga tinutukduan sa Bibliya, paryente, kaklase, katrabaho, asin iba pang kamidbid, dangan imbitaran sinda.
Basahon asin hurop-hurupon an nakaiskedyul na pagbasa sa Bibliya sa Memoryal.
Mag-atender sa Memoryal na andam na istimaron an mga bisita.