Umawon si Jehova Paagi sa Pagpapayunir

May marahayon nanggad na mga dahilan an mga Israelita para umawon si Jehova. Ilinuwas niya sinda sa Ehipto asin ilinigtas sa hukbo ni Faraon! (Ex 15:1, 2) Si Jehova padagos na nagpapahiling nin karahayan sa saiyang mga lingkod. Paano ta maipapahiling an satong pasasalamat sa saiya?—Sal 116:12.

An sarong paagi iyo an paglilingkod bilang auxiliary o regular payunir. Puwede kang mamibi para tawan ka kan pagmawot saka kan kakayahan na maglingkod bilang payunir. (Flp 2:13) Dakul an nagpurbar nguna na magin auxiliary payunir. Puwede kang pumili kun 30 o 50 oras an aabuton mo sa mga bulan nin Marso saka Abril asin sa bulan kan pagdalaw kan paraataman nin sirkito. Pag naeksperyensiyahan mo na an kaugmahan sa pagigin auxiliary payunir, tibaad mawuton mo nang maglingkod bilang regular payunir. May mga nagregular payunir ngani na full-time an trabaho o limitado an nagigibo huli sa hilang o maluya an hawak. (mwb16.07 8) Tunay nanggad, maninigo si Jehova sa ano man na paghihinguwang ginigibo ta para umawon siya!—1Cr 16:25.

HILINGON AN VIDEO NA TULONG MAGTURUGANG SA MONGOLIA, DANGAN SIMBAGON AN MINASUNOD NA MGA HAPOT:

• 

  Anong mga kadipisilan an napangganahan kan tulong magturugang para makapagpayunir?

• 

  Anong mga bendisyon an nakamtan ninda?

• 

  Anong mga paagi nin paglilingkod an nabuksan sa sainda kan magpayunir sinda?

• 

  Ano an nagin epekto sa iba kan saindang marahay na halimbawa?