Introduksiyon
Gustong-gusto mo na daw mabuhay sa sarong kinaban na mayo na nin giyera asin ralaban? Magayunon na ideya nanggad iyan para sa dakul, pero iniisip ninda na imposibleng mangyari iyan. Sinasabi kan Bibliya kun taano ta dai kaya kan mga tawo na tapuson an giyera dawa grabe an pagmamaigot ninda na mapapundo iyan. Ipinapaliwanag man kaiyan kun paano ka makakapagtiwala na talagang posible an katuninungan sa bilog na kinaban asin na madali na iyan na mangyari.
Sa magasin na ini, an mga terminong “giyera” asin “ralaban” nanunungod sa pakikipaglaban kan mga armadong grupo sa kada saro tanganing mangyari an saindang pulitikal na obheto. Binago an mga pangaran kan nagkapirang indibidwal na sinambit.