Hapot

● Taano ta irinerekomendar na an mga parahayag maglingkod sa kongregasyon na nagkakapot sa teritoryong iniistaran ninda?

Mahalagang gibohon an mga bagay sa areglado asin teokratikong paagi. Si Pablo nagsurat: “Gibohon an gabos na bagay sa disente asin aregladong paagi.”​—1 Cor. 14:40.

Minsan ngani tibaad may espesyal na mga kaso huli sa kasakitan sa transportasyon, iskedyul sa sekular na trabaho, o pangangaipo para sa mga paraataman, sa pankagabsan pinakamarahay na mag-atender sa kongregasyon na sa teritoryo kaiyan kita nag-iistar. Ini nagpapangyari sa paglilingkod sa langtad na mas kombenyente mantang dai kita mangangaipong magbiyahe nin harayo tanganing maghulit kaiba kan grupo. Iyan nagpapagin mas madali na maghulit kairiba nin iba sa satong kongregasyon asin giyahan an mga interesado sa mga pagtiripon na pinakaharani sainda. Asin kita magdadanay na dayupot sa ibang tugang na harani sato na makatatabang sato sa panahon nin pangangaipo.

Maninigo niatong likayan an espiritu nin pagigin independiente asin enoton nguna an mga interes kan Kahadean. (Luc. 16:10) Kun sarong bagong kongregasyon an maporma o inareglo liwat an Pag-adal sa Libro kan Kongregasyon, tibaad mas bobooton niatong magdanay kaiba kan satong mga katood. Alagad sa pag-ako kan bagong areglo, puwede kitang magkaigwa nin bagong mga katood. Siring man mas madali sa kamagurangan na pastoran an aripompon kun an mga parahayag nag-iistar sa teritoryo kan kongregasyon na inaasosyaran ninda.