Hapot

◼ Kun dakula an itaong donasyon kan kagharong, kaipuhan daw na tawan niato sia nin dugang pang babasahon?

Dai man. Puwede nindong gamiton an saindong paghusgar sa bagay na ini, depende sa interes na ipinaheling sa babasahon. Sa masurunod na pagsongko, puwedeng iwalat an babasahon na nakatatama sa partikular na pangangaipo kan kagharong. Kun an kagharong mag-insister na tumao pa nin dagdag na donasyon, iyan puwedeng mapagpasalamat na akoon asin iholog sa kahon nin kontribusyon kan kongregasyon. Girumdomon na an mga donasyon nagsusuportar sa laen-laen na kabtang kan satong pankinaban na gibohon, kaiba na an satong programa sa pagtotogdok, mga misyonero, asin espesyal payunir, apuwera sa satong pagpublikar nin mga babasahon.