Hapot

◼ Ano an maninigo niatong isaisip kun nagsusurat sa mga kagharong na dai niato nanompongan sa harong?

Sa nagkapirang lugar, padepisil nang padepisil na makaolay an mga tawo kun nagsosongko kita sa saindang mga harong. Nadiskobre nin ibang parahayag an pagsurat na sarong praktikal na paagi na makaolay sinda. Mantang puede ining magbunga nin mararahay na resulta, nangangaipong konsideraron an nagkapirang pagirumdom tangani na malikayan an dai kinakaipuhan na mga problema:

Dai paggamiton an adres kan Sosyedad. Bakong tamang ipaheheling kaini na an surat ipinadara hale sa samong mga opisina, na nagkacausa nin dai kinakaipuhan na mga problema asin kun beses dagdag na gastos.

Siertohon nindo na tama an adres asin supisyente an selyo.

Dai iadres an mga surat sa “Okupante”; gumamit nin espesipikong ngaran.

Pinakamarahay an haralipot na surat. Magsaliot nin sarong tract o magasin imbes na magprobar na sumurat nin halawigon na mensahe.

An minakinilyang mga surat mas pasil na basahon asin nagpapangyari nin mas paborableng impresyon.

An mga surat dai ibinibilang na mga pagdalaw liwat apuera sana kun personal na nindong napatotoohan an indibiduwal kan nakaagi.

Kun sinusuratan nindo an saro na nagpaheling nin interes kan enot, maninigo kamong magtao nin adres o numero nin telepono tangani na makontak kamo. Ipaliwanag an satong programa nin pag-adal sa Biblia.

Imbitaran sa mga pagtiripon kan lokal na kongregasyon. Itao an adres asin oras kan mga pagtiripon.