Ukulongana kwa Mulimo Ukwa October
Umulungu wa Kutampa October 4
Ulwimbo 147
10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu.
17 min“Icebo ca Kusesema Ica kwa Lesa Cikafishiwapo Conse!” Intendekelo taifwile ukucila pali miniti umo. Lyene konkanyenipo ukulanshanya kwa fipusho ne fyasuko. Londololeni ifyebo fimo fimo mu citabo cipya ifilelondolola ubupilibulo bwa nshita yesu.
18 min: Mwilalabako Kuli Bamagazini! Lumbuleni icipendo ca bamagazini abashalikwe ne cilonganino umweshi wapwile. Ni bamagazini banga mwapokelele ukufuma ku Sosaite? Nga ca kuti bamagazini mwapokelele bafula e lyo abashalikwe bacepa, cinshi cilekabilwa ukucitwa? Ipusheni ibumba ukulandapo pali ifi: (1) Kasabankanya umo umo alingile ukuorda bamagazini abengi lelo abo engashalika. (2) Moneni Icibelushi icili conse ukuti Bushiku bwa Magazini. (3) Tantikeni umulimo wenu ica kuti ulesanshamo ukushalika bamagazini cila mweshi. (4) Pekanyeni ukubombako sana ubunte bwa mu lyashi pa kubomfya bamagazini ku kutendeka ukulanshanya. (5) Twaleni bamagazini baibela ku ba makwebo na babomfi bamo bamo abengatemwa bene. (6) Lembeni abo muleshalika mu kulungika, kabili ishibeni abantu ba kulatwalila bamagazini lyonse ilyo baisa. (7) Shalikeni na bakale abali bonse pa kuti tabaletuulama. Langisheni bamagazini abapya abalipo, kabili londololeni ifipande ifyo abantu bengatemwa. Pekanyeni ukuti umukalamba alangilile ifya kushalika magazini mu kwipifya e lyo pa numa uwacaice na o ese alangilile.—Moneni ica mu kati mu Ubutumikishi Bwesu Ubwa Bufumu ubwa September 1995.
Ulwimbo 105 ne pepo lya kusondwelela.
Umulungu wa Kutampa October 11
Ulwimbo 194
10 min: Ukubilisha kwa pa mwenu. Lipoti wa ndalama.
15 min: Ukukabila kwa pa mwenu.
20 min: “Ifya Kusanga Ukusekelela Kukalamba mu Kulongana.” Ifipusho ne fyasuko. Lumbuleni ifya kumwenako fya kulungatika ifilelangilila ifyo twingalangulukilako bambi no kukoseleshanya pa kulongana. Ipusheni ibumba ukushimikako ifya kukumanya fyabo abene.
Ulwimbo 152 ne pepo lya kusondwelela.
Umulungu wa Kutampa October 18
Ulwimbo 196
10 min: Ukubilisha kwa pa mwenu ne fya kukumanya fya mu mulimo wa mwi bala.
13 min: “Bushe Muli no Kukuuka?” Ilyashi lya kukoselesha kuli kalemba. Ilyo cakabilwa ukuti bakasabankanya bamo bakuukile ku cilonganino cimbi, kuti cawama ukuti bashikatale bwangu bwangu uko baya pa kusengauka ukubwelela ku numa lwa ku mupashi. Komaileni pa kuti abalepanga ukukuuka bafwile ukwishibisha baeluda no kubalomba ukubafwako ukwishibisha icilonganino balekuukilako.
22 min: “Cinshi Mukasosa ku MuYuda?” Ifipusho ne fyasuko. Londololeni ubupusano bwaba pa baYuda ba ciOrthodox, aba Bumwaluka, na Bakakatila ku fya Kale. (Moneni Ukusapika Lesa Ukwa Mutundu wa Muntu, amabula 226-7.) Londololeni ifintu ifyo umuYuda engatemwa ukulanshanyapo na ifwe. Pekanyeni icilangililo icisuma. Nga mulefwaya ifyebo fyalundwapo pa buYuda, moneni ica mu kati mu Ubutumikishi Bwesu Ubwa Bufumu ubwa February 1998; icitabo ca Ukupelulula, amabula 22-3; ne citabo ca Ukusapika Lesa Ukwa Mutundu wa Muntu, icipandwa 9.
Ulwimbo 142 ne pepo lya kusondwelela.
Umulungu wa Kutampa October 25
Ulwimbo 179
15 min: Ukubilisha kwa pa mwenu. Afweni bonse ukupekanishisha ukutambika broshuwa wa Cintu Lesa Afwaya nelyo icitabo ca Ukwishiba mu November. Londololeni ifya kupekanya inshila ya kushimikilamo ukubomfya icipusho ca kuti, “Bushe Lesa alasuka amapepo?” Bomfyeni ifishinka mu Isambililo 7 muli broshuwa nelyo icipandwa 16, amaparagrafu 12-14, mu citabo ca Ukwishiba. Pekanyeniko icilangililo cayanguka ukubomfya fye ilembo limo.
15 min: Ukwa Kusanga Ifyasuko ku Fipusho fya Baibolo. Kasabankanya nasanga uulesekelela uuli ne cipusho ca mu Baibolo. E co aya ku kwipusha umubomfi utumikila. Mu cifulo ca kwasuka fye icipusho, umubomfi utumikila alondolola ifya kusanga icasuko. Intanshi, alanda pa mitubululo ya mu Icitabo ca Kutungulula Isukulu, isambililo 7, amaparagrafu 8-9. Bonse capamo nomba basapika icipusho ico abengi bepusha mu cifulo ca kubombelamo. Bamona impapulo sha kulungatika ishilelanda pali ico cipusho no kusanga ifishinka ifileshinina umulandu Baibolo yaasukila muli iyo nshila. Koselesheni ibumba ukulabelengesha nge fi pa kusanga amasuko ya mu Baibolo.
15 min: Amabuyo Twingemika. Ilyashi no kulanshanya ne bumba lyonse. Landeni pa mabuyo yengemikwa ayalondololwa mu mukululo pe bula 11 mu Ulupungu lwa kwa Kalinda ulwa March 15, 1997. Koselesheni na bengatemwa ukubombako bupainiya bwa kwafwilisha no bwa nshita yonse. Londololeni ifyo ukufikilisha aya mabuyo kwingatunonsha. Ipusheni ibumba ukushimikako ifyo bayumfwile ilyo bafikilishe amabuyo yamo aya teokrasi.
Ulwimbo 151 ne pepo lya kusondwelela.