Ukutantika Ukulongana kwa Mulimo

ICISHIBISHO: Ukulongana kwa Mulimo ukwa milungu yonse iya mu mweshi wa mabungano kukatantikwa mu Ubutumikishi Bwesu Ubwa Bufumu. Ifilonganino kuti fyayalula ukutantika pa kuti fikasangwe kwi Bungano lya Citungu ilya “Peeleni Lesa Ubukata.” Mu Kulongana kwa Mulimo ukwa kulekeleshako ilyo fye mushilaya kwi bungano, nga calinga kuti mwapaatulako amaminiti 15 aya kupituluka mu kufunda kwacindama ukuli mu ca mu kati ica buno Ubutumikishi Bwesu Ubwa Bufumu ukwingabomba sana pa mwenu. Mu mweshi wa October, Ukulongana kwa Mulimo kumo ukutuntulu kukatantikwa ukwa kupituluka mu fishinka fikalamba ifye bungano. Pa kupekanya ukulanshanya kwa pali uko kulongana, ifwe bonse kuti twalembako ifishinka fisuma ilyo tuli pe bungano, pamo fye ne fishinka tulefwaya ukubomfya mu mikalile yesu na mu butumikishi bwa mwi bala. Lyena kuti twakoselesha bambi ukupitila mu kulondolola ifyo twabombela pali iyo mitubululo ukutula apo twafumina kwi bungano.

Umulungu wa Kutampa July 14

Ulwimbo 25

10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Ukubomfya imitubululo pe bula 8, citeni ifilangililo fibili pa fyo Ulupungu lwa kwa Kalinda ulwa July 15 na Loleni! wa July-September fingatambikwa mu cifulo ca kubombelamo ica cilonganino. Mu cilangililo cimo na cimo, bamagazini bonse babili bafwile ukushalikwa nelyo ca kuti umo fye e ulelandwapo.

15 min: “Ukulongana Pamo ku Kulumbanya Yehova.” Bomfyeni amepusho yapekanishiwe. Konkomesheni bonse ukusangwa ku kulongana konse, ukufuma ulucelo pa bushiku bwa kubalilapo ukufika na ku cungulo, ubushiku bwa citatu. Komaileni pa kucita ifyo tusambilila te kukutika fye. Landeni pa cishibisho cili pa muulu pa fitantikwe mu Kulongana kwa Mulimo ukwa mu October, lintu kukaba ukupituluka mu fishinka fikalamba ifye bungano lya citungu. Koselesheni bonse ukulembako ifishinka.

20 min: “Ukutasha Lesa pa Luse Lwakwe.”a Ilyo mulelanshanya paragrafu 3, tubululeni ifya kucita pa kumfwana na umo pa kuti mulemutwalila bamagazini lyonse, ukubomfya Ubutumikishi Bwesu Ubwa Bufumu ubwa October 1998, pe bula 8. Ipusheni kasabankanya wabelesha umo nelyo babili pa nshila asanga iisuma iya kutendekelamo amasambililo ya Baibolo. Koselesheni bonse ukukwata ubuyo bwa kutendeka no kutungulula amasambililo ya Baibolo.—om ibu. 91.

Ulwimbo 176 ne pepo lya kusondwelela.

Umulungu wa Kutampa July 21

Ulwimbo 120

10 min: Ukubilisha kwa pa mwenu. Lipoti wa ndalama.

10 min “Ukulongana kwa Muputule Ukupya.” Ilyashi no kulanshanya ne bumba lyonse. Bilisheni ubushiku bwa kulongana kuleisa ukwa muputule. Nga ca kuti icilonganino cikaya ku kulongana mu myeshi fye inono ku ntanshi, bilisheni ukuti abalefwaya ukubatishiwa bafwile ukweba kangalila wa kutangilila. Koselesheni bonse ukupooseshako amano ku kulaalika amasambililo ya Baibolo ukusangwa ku kulongana konse.

25 min: “Ukufwala Ukuyene Kulanga Akatiina Kuli Lesa.”b Ukulandwa na eluda. Bomfyeni amepusho yapekanishiwe. Munyina waishiba ukubelenga bwino abelenge amaparagrafu.

Ulwimbo 35 ne pepo lya kusondwelela.

Umulungu wa Kutampa July 28

Ulwimbo 51

5 min: Ukubilisha kwa pa mwenu. Cinkuleniko bakasabankanya ukutuma amalipoti ya mulimo wa mwi bala aya July. Ukubomfya imitubululo ili pe bula 8, citeni ifilangililo ifyapitulukwamo bwino pa fya kushalika Ulupungu lwa kwa Kalinda uwa August 1 na Loleni! wa July-September. Mu cilangililo cimo na cimo, bamagazini bonse babili bafwile ukushalikwa nelyo ca kuti umo fye e ulelandwapo. Mu cilangililo cimo langeni kasabankanya ulecitila ubunte bwa mu lyashi.

15 min: “Beni Ica Kumwenako ca Milimo Isuma.”c Bomfyeni amepusho yapekanishiwe. Komaileni pa fyo cikabilwa ukukonka imitantikile yateyanishiwe ku kutunonsha. Londololeni umulandu cawamina kuli bonse ukuba ne myendele isuma.

15 min: “Ukushimikila nge Bumba Kulaleta Insansa.”d Ilyo mulelanshanya paragrafu 3, landeni na pa fyebo fili mu Mukululo wa Fipusho uwa Ubutumikishi Bwesu Ubwa Bufumu ubwa September 2001. Mu kwipifya ipusheni kangalila we Sambililo lya Citabo pa Cilonganino. Mwipusheni pa mapekanyo apangila ibumba lyakwe ne fyo ibumba linonkelamo mu kushimikila pamo.

10 min: “Muleafwana Ukubomba Lyonse.” Ukulandwa na kangalila wa kutangilila. Ukulanshanya kwacincimuka pa fyo tulefwaya ukucita mu August. Koselesheni bonse mu cilonganino ukwimika ubuyo bwa kubombako umulimo wa mwi bala uno mweshi. Landeni pa mapange yacitilwe aya kwafwa bakasabankanya baali aba manshintula kale. Ni shani fintu bonse bengakoseleshiwa pa kuti balebomba bwino cila mweshi? Ni shani bakasabankanya bakosa bengaafwa bambi? Shukileni amashuko ya kushimikila pa lwendo lwa ku mabungano pa kuti mube aba lyonse mu mulimo.

Ulwimbo 89 ne pepo lya kusondwelela.

Umulungu wa Kutampa August 4

Ulwimbo 178

10 min: Ukubilisha kwa pa mwenu. Lumbuleni ulupapulo lwa kushalika uno mweshi. Citeni icilangililo cimo nelyo fibili ifingabomfiwa mwi bala.

20 min: “Ukutambika Impapulo mu Cifulo Balanda Indimi Ishingi.”e Bomfyeni amepusho yapekanishiwe. Ilyo mulelanshanya paragrafu 3, citeniko icilangililo ca-anguka mu lulimi lumbi ulo balanda mu cifulo cenu ica kubombelamo icishilandwa ne cilonganino icili conse.—km 7/02 ibu. 1 para. 4.

15 min: Abacaice Balelumbanya Yehova! Ilyashi no kulanshanya ne bumba lyonse no kwipusha. Tulatemwa ukuumfwa uko abacaice baleasuka ifituntulu pa kulongana. Umukoosha no kulunduluka kwabo mwi Sukulu lya Butumikishi Ilya Bulesa, kulatusansamusha. Balalanga icitetekelo ca cine cine ilyo baleshimikila mu butumikishi. Imyendele yabo iya bukapepa ilacindika Yehova. (yb88 amabu. 53-4) Ukulunduluka kwabo ukwa ku mupashi nomba e citendekelo ca mashuko ya ku ntanshi. Mu kwipifya ipusheni abacaice ba Bwina Kristu babili nelyo batatu abatemwa ukubombako imilimo ya cilonganino lyonse. Tasheni abacaice mu cilonganino pa kweshaesha kwabo ku kulumbanya Yehova.

Ulwimbo 49 ne pepo lya kusondwelela.

[Amafutunoti]