Shimikileni ku “Bantu Bonse”
1. Bushe abashimikila bwino baba shani nga bacenjela mu fya kupangapanga?
1 Abacenjela mu fya kupangapanga balakwata ifibombelo ifingi, kabili baleshiba ilyo bengabomfya ne fya kubomfya icibombelo cimo na cimo. Na ifwe, twalikwata ifya kubomfya ifingi mu mulimo wesu uwa kubila imbila nsuma. Ku ca kumwenako, twalikwata amabroshuwa ayalanda pa fyalekanalekana ayengatwafwa ukushimikila “ku bantu bonse.” (1 Kor. 9:22) Muli buno Ubutumikishi Bwesu Ubwa Bufumu muliko umutande wa aya amabroshuwa, kabili nabalondolola abo balembela, e lyo ne fyo twingayashalika.
2. Ni lilali cingawama ukubomfya amabroshuwa ilyo tuleshimikila?
2 Ilyo Twingabomfya Amabroshuwa: Abaishiba ifya kupangapanga baleshiba ilyo bengabomfya icibombelo cimo. E fyo na ifwe tufwile ukulacita. Nangu ca kuti uyo mweshi tatuleshalika amabroshuwa, kuti twayabomfya nga twasanga abo yengafwa. Ku ca kumwenako, nga ca kuti ulupapulo tuleshalika uyo mweshi citabo ca Ico Baibolo Isambilisha e lyo tuleshimikila ku bashili Bena Kristu abashatemwa sana ifya mu Baibolo, kuti cawama ukubomfya broshuwa iyo balembela abo bantu pa kuti nga batemwa ukumfwilapo na fimbi e lyo twingabapeela icitabo ca Ico Baibolo Isambilisha.
3. Mulandu nshi tufwile ukwishibila ifya kubomfya bwino impapulo shesu?
3 Baibolo ilatasha abacenjela mu milimo yabo. (Amapi. 22:29) Ukwabula no kutwishika, ilelo takwaba umulimo uwacindama ukucila “umulimo wa mushilo uwa mbila nsuma.” (Rom. 15:16) Pa kuti tube ‘ababomfi abashingaba ne nsoni pa mulimo wesu,’ tufwile ukulaesha na maka ukwishiba ukubomfya bwino impapulo shesu.—2 Tim. 2:15.