Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu October

“Ndesubila ukutila na imwe kuti mwasumina ukuti fwe bantu tulafwa bwangu sana. Bushe mulemona ukuti kukaba inshita ilyo kushakabe ukulwala, ilyo abantu bakalaikala umuyayaya? [Lekeni basuke.] Moneni ifyo iyi magazini ilelanda.” Lyena peleni abene ba ng’anda Ulupungu lwa kwa Kalinda ulwa October 1, kabili belengeleni capamo no kulanshanya ifyebo fili pa kamutwe ka kubalilapo pe bula 16 kabili belengeni ne lembo lilipo. Shalikeni magazini, no kupangana ilyo mukabwelelako pa kuti mukayelanshanya icipusho cikonkelepo.

Ulupungu lwa kwa Kalinda October 1

“Abantu abengi balomfwa ububi pa fyo amafisakanwa yafulile mu makwebo na mu buteko. Bushe muletontonkanya ukuti ubu bwafya kuti bwapwa? [Lekeni basuke.] Umfweni ifyo ili lembo lilanda pa fyo Yesu akacitila abantu abacula pa mulandu wa mafisakanwa. [Belengeni Amalumbo 72:12-14.] Iyi magazini ilelanda ukuti amafisakanwa yali no kupwa.”

Loleni! July–September

“Cila mwaka abantu abengi mu calo conse fye balalwala pa mulandu wa kulya ifya kulya ifishili bwino. Bushe ifya kulya ku ncende mwikala fyaliba fye bwino? [Lekeni basuke.] Iyi magazini nailondolola ifintu 4 fingafwa indupwa ukuicingilila ku malwele twingalwala nga tulelya ifya kulya ifishili bwino. Na kabili nailondolola ne fyo Baibolo yalanda ukuti nomba line tukalaipakisha ifya kulya ifisuma ifingi ifishingatulwalika.” Belengeni Amalumbo 104:14, 15.