Ifyo Mwingalanda
Pa Kutendeka Amasambililo ya Baibolo pa Cibelushi ca Kubalilapo mu July
“Umuntu fye onse alafwaya ukwikala bwino no kwikala imyaka iingi. Bushe batini abasoma sayansi na bapanga imiti bakasuka bakalenge tukaleikala umuyayaya ukwabula ukufwa? [Lekeni basuke.] Moneni ifyo iyi magazini ilelanda apa.” Balangeni ifyebo fili ku nkupo ya ku numa iya Ulupungu lwa kwa Kalinda ulwa July 1, kabili lanshanyeni ifyebo fili pa cipusho ca kubalilapo no kubabelengelako ilembo limo. Bapeeleni magazini kabili panganeni ilyo mukabwelelako pa kuti mukayelanshanya icipusho cikonkelepo.
Icishibisho: Mufwile ukubomfya ifi fyebo pa kukumana kwa kuya mu mulimo wa mwi bala pa 6 July.
Ulupungu lwa kwa Kalinda July 1
“Abantu abengi abo tushimikila balikwata uko bapepa. Lelo bambi bena batila pali ino inshita tapali icalici ilili lyonse ilyo bengacetekela. Bushe imwe mutontonkanyapo shani pa macalici? [Lekeni basuke.] Yesu alilandilepo fimo ifingatwafwa ukwishiba icilonganino ca mapepo ico twingacetekela. [Belengeni Luka 6:44a.] Iyi magazini ilelanda pa fintu fimo ifyabipa ifyo amacalici yacita kabili nayasuka ne cipusho ca kuti, Bushe kwaliba icilonganino ca mapepo ico mwingacetekela?”
Loleni! May–June
“Bushe mulesumina ukuti ino nshita calyafya ukukusha abana? [Lekeni basuke.] Abafyashi abengi balisanga ukuti ifyo Baibolo ilanda filabafwa sana. Ku ca kumwenako, ili ilembo lyalyafwa abafyashi abaume abengi ukulatasha abana babo no kubalenga ukulaimona ukuti balicindama. [Belengeni Abena Kolose 3:21.] Iyi magazini nailanda pa fintu 5 ifingafwa abafyashi abaume ukukusha bwino abana babo.”
Imbila Nsuma Ukufuma Kuli Lesa!
“Tuletandalila indupwa kuli ino ncende pa kuti twingalanshanyako amashiwi yamo aya kukoselesha ukufuma muli Baibolo. Abengi abo tulanshenye nabo balapapa ico Lesa uwaba no kutemwa alekela abantu ukulacula nga ifi. Bushe batini ilyo Lesa apangile abantu alefwaya ukuti bakalecula?” Lekeni basuke. Lyena, kupukuleni pe sambililo 5, kabili belengeni no kulanshanya amaparagrafu ya kubalilapo yabili na malembo ayo balembelepo ati belengeni. Bapeeleni broshuwa kabili panganeni ilyo mukabwelelako ku kuyalanshanya icipusho cinkonkelepo.