Bushe Mutila Baibo ni Cinshi?
Bushe kutimwa-asuka ukuti . . .
libuuku umwabaamano ya bantunse?
libuuku umwaba inshimi na malyashi ya kale?
Cebo ca kwa Lesa?
IFYO BAIBO ILANDA
“Umupashi wa kwa Lesa e watungulwile abalembele Amalembo yonse aya mushilo.”—2 Timote 3:16, Baibo Amalembo ya Calo Cipya.
IFYO MWINGANONKELAMO
Baibo kuti yalenga mwasanga amasuko ku mepusho yacindama sana. —Amapinda 2:1-5.
Baibo kuti yamwafwa mu mikalile yenu.—Amalumbo 119:105.
Baibo kuti yalenga mwakwata isubilo lya kuti ifintu fikawama.—Abena Roma 15:4.
BUSHE KUTI TWACETEKELA IFYO BAIBO ILANDA?
Ee, pantu:
Amalembo yabamo yalomfwana. Baibo yalembelwe pa myaka ukucila pali 1,600. Abantu abalekanalekana 40 e balembele Baibo. Abengi tabaishibene no kwishibana. Lelo ica kupapusha ca kuti ifyo balembele filomfwana kabili filanda fye pa mutwe we lyashi umo wine!
Ilyashi lyabamo lya cine. Ilingi line abalemba ilyashi lya kale balafisa ifyo abantu babo babacimfishe. Abalembele Baibo bena balilembele ne fyo balufyenye e lyo ne fyo uluko lwabo lwalufyenye.—2 Imilandu 36:15,16; Amalumbo 51:1-4.
Amasesemo yabamo lyonse yalafikilishiwa. Baibo yalisobele ukuti umusumba wa Babiloni bakaonaula ninshi kucili imyaka 200 ukuti baonaule. (Esaya 13:17-22) Tayalanda fye pa fyo Babiloni bali no kuyonaula, lelo yalilumbwile ne shina lya muntu uwali no konaula uyu musumba!—Esaya 45:1-3.
Amasesemo ya mu Baibo ayengi yalifikilishiwe ukubikako fye no tuntu utunono uto amasesemo yalandilepo. Bushe ifi te fyo twingenekela Icebo ca kwa Lesa ukuba?—2 Petro 1:21.
IFYO MULINGILE UKULATONTONKANYAPO
Bushe Icebo ca kwa Lesa kuti camwafwa shani mu mikalile yenu?
Baibo ilasuka ici cipusho pali ESAYA 48:17, 18 e lyo na pali 2 TIMOTE 3:16, 17.