Ukucinkulako Kalemba na Kangalila wa Mulimo

Cila mwaka ukubilisha mu Ubutumikishi Bwesu Ubwa Bufumu ubwa February kulomba kalemba na kangalila wa mulimo “ukupituluka mu mibombele ya bapainiya ba nshita yonse bonse.” Mifwaile nshi iya uku kupitulukamo? Kufwaya ukwishiba ni bani bengakabila ukwaafwa pa kukumanisha icifwaikwa ca maawala pa ntanshi umwaka wa mulimo taulapwa.

Bapainiya ba nshita yonse bafwaikwa ukupeelesha amaawala 1000 ku butumikishi. Ukufika ku kupwa kwa February, bapainiya bamo basanga ukuti nabashalila ku numa, kabili ici kuti catungulula ku kufuupulwa. Baeluda ilingi line kuti baba aba kwaafwa kuli bapainiya, ukubakoselesha no kubapeela imitubululo ibomba. Ici kuti caba ca kwishibilako nampo nga bapainiya bali no kukumanisha ififwaikwa muli uyo mwaka nelyo bali no kufuma pa mutande.

Mu kushininkisha bapainiya bakatasha ukwangwako kwa cine cine ukwa baeluda muli kuno kuloshako. Icilonganino na co cikamwenamo mu kukwata bapainiya abali aba nsansa mu butumikishi bwabo, mu busumino ukukakatila ku mulimo wabo.