Ukulongana kwa Muputule Ukupya

“Ukulafuluka Ubushiku bwa kwa Yehova” e mutwe wa programu wa kulongana kwa muputule ukwa nshiku shibili ukukatendeka mu September. (2 Pet. 3:12) Kupekanishiwe ku kutucincisha ukulabomba mu kupamfiwa. Abekashi ba pe sonde mu kwangufyanya bakamona ubupingushi bwa kwa Yehova. Ni bani bakapusunsuka “ubushiku bukalamba bwa kwa Lesa wa maka yonse”? Ni abo beka fye abatwalilila abalola lwa ku mupashi kabili abo abapampamina pa bumi bwa ‘kwenda mu mibele ya mushilo kabili iya bukapepa.’—Ukus. 16:14; 2 Pet. 3:11.

Ulubatisho lwalikatama pa kuti umuntu engapusunsuka pa bushiku bwa kwa Yehova. (1 Pet. 3:21) Bakasabankanya abalefwaya ukubatishiwa balingile ukweba kangalila wa kutangilila, uukatantika ifilekabilwa.

Amalyashi yakonkana yane ayaleti, “Umusango wa Bantu Tulekabila Ukuba,” yakalangilila mu kumfwika imicitile yasanshiwa mu kulafuluka ukwisa kwa bushiku bwa kwa Yehova . Ilyashi lya pa cintubwingi, “Bombeni Mano Mano Ilyo Ubushiku bwa kwa Yehova Bulepalamina,” likalondolola fintu cipilibula ‘ukufwaya Yehova, ubulungami, no bufuuke,’ pa kupusunsuka.—Sefa. 2:3.

Ukulongana kwa muputule kukasondwelela na malyashi ya kukoselesha yabili kuli bakangalila benda, ayaleti: “Bushe Ubumi Bwenu Bushunda pa Cine?” na “Ukupekanishisha Inshita ya ku Ntanshi Ilyo Tulefuluka Ubushiku bwa kwa Yehova.” Aya malyashi yakatukoselesha ukubebeta ubumi bwesu no kuteuluka umuli monse umulekabilwa. Amasesemo ya Baibolo ne fiponako mu calo filangilila mu kumonekesha ukuti ubushiku bwa kwa Yehova nabupalama. Uyu programu wa kulongana akatukoselesha ‘ukutekanya no kulola.’ (1 Pet. 5:8) Shininkisheni ukuti mwapekanya ukusangwako inshiku shonse shibili.