Programu wa Kulongana kwa Muputule Ukupya

¹ Ukutendeka September, umutwe wa kulongana kwa muputule ukalati “Umfweni no Kusambilila Ukumfwile Cebo ca kwa Lesa.” Uyu mutwe, uushimpilwe pa Amalango 31:12, 13, ulepeela ishintililo lyalingisha kuli programu onse ku kwebekesha amasambililo yantu tukabila ukusambilila no kubomfya.

² Nangu cingatila icinabwingi ca bantu ilelo bakutika ku mipashi ya kulufya, kuliko ukukabila kukalamba kuli umo na umo uwesu ukukutika ku Cebo ca kwa Lesa no kusambilila ifya kucibomfya. (Luka 11:28; 1 Tim. 4:1) Pa kuba ne ci mu muntontonkanya, programu wa kulongana kwa muputule ateyanishiwe ku kupayanya ukukoselesha no kwaafwa kuli bakasabankanya, indupwa, baeluda, na bapainiya. Pa Cibelushi, kukabako ilyashi lya kukonkana ilya mbali shine pa mutwe wa kuti “Ukubomba ne Mpika Shesu—Pa Kwangwa Icebo ca kwa Lesa.” Kabili pa Mulungu ulucelo, kukabako ukukonkana ukuli no mutwe wa kuti “Fintu Amalembo Yafunda mu Bulungami.” Programu onse akaleta ukukoselesha kwa ku mupashi uko imwe no lupwa lwenu mushilingile ukupuswako.

³ Ponse pa Cibelushi na pa Mulungu, imitubululo ibomba iya mu butumikishi bwa mwi bala ikapeelwa no kulangililwa. Ifya kukumanya fya kukoselesha kabili ifya kufunda no kulanshanya kwa kwipusha fikapeelwa. Muli fyo, pa kusangwapo no kukutika ku mifwaile ya kubomfya ifyo ukasambilila, ukaba mu cifulo cawaminako ica kubomfya mu kukumanina amafunde ya Cebo ca kwa Lesa.

⁴ Cimo ica fikapulamo pa kulongana kwa muputule cikaba kubatishiwa kwa bamunyina na bankashi abaipeela abapya. Mu kubangilila pa ntanshi ya uku kubilisha kwa pabuuta ukwa kuipeela kwabo, abakaya ku lubatisho balingile ukulumbulula ukufwaisha kwabo ukwa kubatishiwa kuli kangalila wa kutangilila pa kuti engatantika baeluda ukubakumanya.

⁵ Ilyashi lya pa cintubwingi ilya pali uku kulongana kwa muputule likwete umutwe wa kuti “Mulandu Nshi uwa Kutungulwilwa na Baibolo?” Laalikako abalesekelela ukwisasangwako. Pa kusubila ukukoselesha ukufwaikwa apakalamba no kwafwilishiwa uko mukapokelela no lupwa lwenu, pekanyeni mu kushininkisha pa kuti mukabepo pali programu onse.