Programu Mupya uwa Kulongana kwa Muputule

Mumwenamo shani nomba mu kwenda na Yehova? Ni shani fintu mwingacincintila amatunko ya kulenga ifishili fya Bufumu fyaba intanshi mu bumi bwenu mu cifulo ca fya Bufumu? (Mat 6:33) Bushe cilamukosela ukupaatululo busuma ukubulekanya no bubi muli cino calo ica kuti ububi nomba bumoneka ngo busuma? (Heb. 5:14) Iyi milandu ikalandwapo pa kulongana kwa muputule ukuleti “Nonkelenimo Nomba mu Kwenda mu Mibele ya kwa Lesa” ukukatendeka mu September 1999.—Amalu. 128:1.

Icintu cipya pa Cibelushi ica uku kulongana kwa muputule cikaba cilangililo ca Kulongana kwa Mulimo. Kangalila wenu uwa muputule akeshibisha ifilonganino pa lwa filepangwa ku kuleka bonse bakese nabaipekanya ukuipakisha programu onse.

Ilyashi likalati “Bapainiya—Cenjeleni pa Kwenda Kwenu” likatulanga ifya kubomfya amano no kupelulula pa kuti tulubuleko inshita ya kubomba bupainiya. (Efes. 5:15-17) Ilyashi lya kuti “Cenjeleni ku Nshila Shimoneka Fye Kwati Shalilungama” likatusambilisha ifya kulingulula ifitemuna Lesa mu mikalile yesu. Ilyashi lya kuti “Ifyo Ukusesema Kwafishiwapo Kutukuma” likalenga imintontonkanya yesu ne mitima ukutemwa Icebo ca kwa Lesa. Ilyashi lya cintubwingi ilya kuti “Imibele ya kwa Lesa Ilanonsha Icine Cine!” likakomaila pa fyo tumwenamo nomba ilyo tulecita ifyalungama ifyo Yehova afwaya.

Bushe mulefwaya ukulangisha icintubwingi ukupitila mu lubatisho lwa mu menshi ukuti mulefwaya ukwenda mu nshila sha kwa Lesa ngo mubomfi wakwe uwaipeela? Kanshi ebeni kangalila wa kutangilila pa kuti apekanya ifilekabilwa.

Pangeni ukukanapuswa kuli uku kulongana kwa muputule ukwa pa nshita iyene. Mukasangweko kuli programu onse uwa nshiku shibili, pantu “alishuka onse uutiina Yehova, uwenda mu mibele yakwe!”—Amalu. 128:1.