Ifya Kulanda Pali Bamagazini

Ulupungu lwa kwa Kalinda Feb. 15

“Bushe mwalitala amutontonkanyapo ifyo mwingatungulula bwino ubumi bwenu ne fyo mwingasala ukucita ifintu fyacindama? [Lekeni basuke.] Ubutungulushi busuma bumo, pamo nga Ifunde lya Mulinganya, bulasangwa mu Baibolo. [Belengeni Mateo 7:12.] Fishinte nshi fimbi ifya bulesa fingatwafwa mu kulungatika? Mwalasanga icasuko muli uyu magazini.”

Loleni! Feb. 22

“Napamo mwalimona ukuti utwampani utwingi twasanguka ififulo fya kubombelamo ifya busanso. Uno magazini nakwata imitubululo isuma pa fya kulenga ifi fifulo ukuwama. Kabili alelanda na pa cishinka ca kuti ubumi bwesu bwalyampana ne fyo tumona incito. Mukwai belengeniko na imwe.”

Ulupungu lwa kwa Kalinda Mar. 1

“Pali fyonse ifilecitika ndakai, fwe bengi tuletwishika nampo nga ku ntanshi kukawama nelyo iyo. Mwi pepo lyalumbuka, Yesu Kristu asokolwele umulandu tushifwile ukutwishikila ifyo ku ntanshi kukaba. [Belengeni Mateo 6:9, 10.] Abantunse balebwekeshapo ifilubo ifyo aba kale balepanga. Lelo muli shilya nshiku, abombele Lesa basubile ifisuma ku nshita ya ku ntanshi. Uno magazini aletulanga ifyo na ifwe twingasubila ifisuma ku ntanshi.”

Loleni! Mar. 8

“Baibolo ikomaila pa bucindami bwa masomo yene yene. [Belengeni Amapinda 2:10, 11.] Fwe bengi twaliluka umulandu cacindamina ukuti abana balesambilishiwa na bakafundisha bafikapo. Ino Awake! ilelanda pa mulimo wacindama uubomba bakafundisha, ifyo twingatasha pa kubombesha kwabo, ne fyo abafyashi bengacita ku kwafwilisha bakafundisha mu mulimo wabo uwayafya.”