Ifya Kulanda Pali Bamagazini

Ulupungu lwa kwa Kalinda Apr. 15

“Konse fye uko abantu baba, bafwaya umutelelwe, pamo nga ukufwaya incito iisuma no kuisungilila. Lelo bushe mwalitala amutontonkanyapo ukuti kwaliba intulo ibelelela iya mutelelwe, iingamulenga ukuba no mutelelwe umuyayaya? [Belengeni Amalumbo 16:8, 9.] Uyu magazini wa Ulupungu lwa kwa Kalinda alelanda pa kwingasangwa umutelelwe wine wine.”

Loleni! Apr.-Jun.

“Caliba fye bwino ukuyumfwa aba mulandu nga twabembuka. Limo limo, tulacilamo ukuipeela umulandu ica kuti twabula ne ca kucita kabili twalatontonkanya fye ukuti tatwawamina no luse lwa kwa Lesa. Ukutontonkanya kwa musango yo kuti kwaiswila Kaseebanya inshila ya kutusanshilamo kabili bwangu bwangu kuti atusansa. Kuti twacimfya shani ukuyumfwa aba mulandu? (Yobo 1:9-11) Uyu magazini alelanda pa lwa kukanaumina kumo ilyo muleyumfwa aba mulandu.”

Ulupungu lwa kwa Kalinda May 1

“Bushe mwalishibako umo umulwele sana nelyo uwalemana? Ukwabula no kutwishika mulesumina ukuti abantu ba musango yo balafwaya ukukoseleshiwa. Lelo finshi tulingile ukubeba pa kubakoselesha? Baibolo ilatweba amashiwi ye subilo. [Belengeni Esaya 35:5, 6.] Ulu Ulupungu lwa kwa Kalinda lulelondolola umulandu twingashininkishisha ukuti uku kusesema kukafikilishiwa.”

Loleni! Apr.-Jun.

“Icumfwano ciba pali nyina na kanya kashilafyalwa cikalamba nga nshi. Ilingi line abantu tabeshiba ukuti nacifyashi nga aponya ifumo alacushiwa sana nalimo mpaka fye ne mfwa yakwe. Nangu fye banakashi bambi te lyonse bomfwikisha umulandu banacifyashi bapelenganishiwa muli uyu musango. Lelo bushe mwalishiba ukuti Baibolo yalilanda pa fyo ubu bwafya bukapwishishiwa? (Esaya 25:8) Uyu Loleni! nakwata ifingi pa lwa ili lyashi.”