Ifya Kulanda Pali Bamagazini

Ulupungu lwa kwa Kalinda Apr. 15

“Mu myaka ya nomba abantu abengi balimona ukuti ukukatamika ifya ku mupashi kwalicepa. Bushe mwalimona ici? [Lekeni basuke. Lyena belengeni Amalumbo 119:105.] Ifintu fyakatamikwa ifya ku mupashi kuti fyayafwa abantu ukutaluka ku fiteyo ifingi ifyaba mu bumi. Uyu magazini aletulanga ukwingasangwa ifintu fine fine ifyakatamikwa ifya ku mupashi.”

Loleni! Apr.-Jun.

“Bushe mwalishiba ukuti Baibolo nayo yalilumbula insapato (nelyo indyato) ukuti shaliba pa fintu fisuma ifyo umuntu engakwata? [Lekeni basuke. Lyena belengeni Luka 15:22] Lelo kwena, ukushita insapato ingamulinga bwino takwayanguka. Uyu magazini nalandako pa fishinka fimo ifyo tufwile ukwishiba ifilenga insapato ukulinga bwino.”

Ulupungu lwa kwa Kalinda May 1

“Ifipusho fimo abantu te kuti bafyasuke. Moneni ci ica kumwenako. [Belengeni Yobo 21:7.] Bushe kuli icipusho mwingafwaya ukwipusha Lesa? [Lekeni basuke.] Uyu magazini alelondolola ifyo abantu mwi sonde lyonse basanga amasuko ya cine ku fipusho fitatu ifyaba pa fipusho fyacindama mu bumi.”

Loleni! Apr.-Jun.

“Bushe muletontonkanya ukuti Lesa alefwaya abantu, kumo na bana, ukucula ku bulwele bwa nsala? [Lekeni basuke.] Moneni ubulayo ubusuma ubwaba mu Baibolo. [Belengeni Amalumbo 72:16.] Uyu Loleni! alelanda pa cilenga ukuti kube ubulwele bwa nsala na pa cintu icacindama, e kuti ubulayo bwa kwa Lesa ubwa kupwisha ubu bulwele nomba line.”