Ifya Kulanda Pali Bamagazini

Ulupungu lwa kwa Kalinda Sept. 15

“Shino nshiku bamo bomfwa kwati baba mu cupo umushaba ukutemwa. Ni kwi aba musango yo bengasanga ubwafwilisho? [Lekeni basuke.] Baibolo itulaya ukuti ifishinte fya kwa Lesa kuti fyatwafwa. [Belengeni Esaya 48:17, 18.] Ulu Ulupungu lwa kwa Kalinda lulelanda pa fishinte fya mu Baibolo ifingakosha icupo.”

Loleni! Jul.-Sept.

Amafya ya mu kupumikisha kuti yalenga abacaice ukukwata amepusho yayafya sana mu bumi. Bushe muleti kuti kwaba ica kwasuka amepusho ya musango yo? [Lekeni basuke.] Ukutontonkanya bwino kuti kwatwafwa ukukanafulilwa Lesa. Ili lembo liletupeela ica kutontonkanyapo ilyo akayofi katucitikila. [Belengeni Yakobo 1:3.] Uyu magazini alelanda pa fya kucita no tuyofi.

Ulupungu lwa kwa Kalinda Oct. 1

“Bushe mwalipushapo ati, ‘Nga Lesa wa kutemwa kabili wa maka yonse, cinshi ashipwishisha ubucushi bwa balecula?’ [Lekeni basuke.] Nomba line fye ali no kupwisha amafya yonse. [Belengeni Esaya 65:17.] Pali ino nshita, Lesa tamona fye ukucula kwesu e lyo asuulako. Uno magazini alelanda pali fyo.”

Loleni! Jul.-Sept.

Apo twikala na bantu abapoosa sana amano ku fyuma, bushe mulemona kwati tufwile ukucenjela epali na ifwe twaba no bufunushi bwa kufwaya ifyuma? [Lekeni basuke.] Amaka ya cuma yalongola kabili kuti yalenga bumupashi ukutusa nga fintu ili lembo lilelondolola. [Belengeni Mateo 13:22, ukukomailapo ukuti ubwafya bubako nga umo atemwisha ifyuma.] Muli uyu magazini mwalasangamo ifyebo fya kwafwa sana muli uyu mulandu.