Ifya Kulanda Pali Bamagazini

Ulupungu lwa kwa Kalinda Sept. 15

“Abantu abengi basumina ukuti ‘abatakatifu’ balikwata amaka yaibela kabili cisuma ukupepela muli bene. Bushe mutontonkanya shani pali ici? [Lekeni basuke.] Moneni ico Yesu asosele. [Belengeni Yohane 14:6.] Ici cilenga bamo ukutwishika pa lwa kupepela mu ‘batakatifu.’ Ulu Ulupungu lwa kwa Kalinda lulelanda pali ili lyashi lyacindama.”

Loleni! Jul.-Sept.

“Abantunse bonse pe sonde lelo balafwilwa abatemwikwa mu kayofi, pa mulandu wa ‘nshita ne ca mankumanya.’ Pa myaka iingi, abafwilwa abatemwikwa babo ilingi batontonkanya pa fipusho fyapala ifi: Mulandu nshi tufwila? Bushe imfwa ya muntu ilalingilwa kabela? Kabili, bushe lisubilo nshi lyabako kuli balya abaloosha? Baibolo ilasuka. [Belengeni Yohane 5:28, 29] Muli iyi magazini muli ukusansamusha ku baloosha.”

Ulupungu lwa kwa Kalinda Oct. 1

“Abengi balatwishika nampo nga mafya tumona, pamo nge nkondo, imisoka, no kusansa kwa fipondo, yakabala ayapwa. Bushe mutontonkanya shani? [Lekeni basuke.] Baibolo ipeela ubu bulayo bwa kusansamusha. [Belengeni Amalumbo 37:10, 11.] Ino magazini ilelondolola umulandu Lesa ashafumishapo ububifi no kucula uko bulenga.”

Loleni! Oct.-Dec.

“Abantu aba mu mipepele yonse balapepa. Nangu fye ba mangalo nelyo abaya ku nkondo na bo balapepa. Abantu abengi bapepa kuli Lesa pa mafya yabo na masakamika. Lelo bamo balakalifiwa ilyo balelolela amapepo yabo ukwasukwa. Bushe mumona kwati amapepo yenu tayasukwa? Bushe Lesa alakutika ilyo mwapepa? Mulandu nshi amapepo yamo yashasukilwa? [1 Pet. 3:12] Muli ino magazini, muli icipande icilelanda pa musango wa mapepo Lesa asuka.”