Ifya Kulanda Pali Bamagazini

Ulupungu lwa kwa Kalinda Sept. 15

“Abantu abengi nga nshi balalanda aya mashiwi nga balepepa. [Belengeni Mateo 6:10.] Batini, bushe imikalile pano isonde kuti yaba shani nga ca kuti ukufwaya kwa kwa Lesa kwalifishiwepo? [Lekeni basuke.] Iyi magazini ilelanda pa fyo amashiwi yonse aya mwi Pepo lya We Shifwe yapilibula, ukusanshako fye na ya yene mashiwi twacilabelenga pano.”

Loleni Jul.–Sept.

“Ifwe bonse twalikwatapo imisango imo iyo twasuka twalungika pa myaka iingi. Batini, bushe mulandu nshi limo tufililwa nangu ca kuti natubombesha ukuti tuwamye imibele yesu? [Lekeni basuke.] Iyi magazini ilelangilila ifyo Lesa engatwafwa ukwalula imibele ne mikalile yesu. Belengeni Abena Roma 7:20, 21.”

Ulupungu lwa kwa Kalinda Oct. 1

“Bonse ifwe tulafulukisha ukumona impela ya bumpulamafunde, ulukakaala, ne nkondo. Batini, bushe aya mashiwi yakatala ayafishiwapo? [Belengeni Amalumbo 37:11. Nomba lekeni basuke.] Iyi magazini ilelanda pa fyo ubu bulayo bwakuma sana ifyo Lesa aalefwaya ukuti abantu baleikala pa kubala na pa fyo bwatukuma pali lelo.”

Loleni Jul.–Sept.

“Bushe mwalitala amutontonkanya pa fyo ifyatucitikile ku bwaice fingakuma ifyo tucita nga twakula? [Lekeni basuke. Lyena belengeni 1 Samuele 17:34, 37a.] Muli ici cipande muli ifyebo filelanda pa fyo ifintu fyayafishe ilyo umwaume umo alekula. Uyu mwaume afyelwe pa nshita mu Bulaya mwali inkondo. Na lyo line, ku ntanshi aishileba mishonari mu Afrika.”