Ifya Kulanda Pali Bamagazini

Ulupungu lwa kwa Kalinda Sept. 15

“Ndefwaya ing’umfwe ifyo muletontonkanya pali fi ifyalembwa apa. [Belengeni Amalango 32:4.] Bushe Lesa nga alikwata amaka ayengi ukucila bonse e lyo kabili nga ca kuti taaba na lufyengo, bushe limo mulaipusha mwe bene umulandu pano calo pabela ukucula no bubifi? [Lekeni basuke.] Iyi magazini ilelondolola umulandu Lesa asuminishisha ububifi ukutwalilila ukufika fye na lelo.”

Loleni July–Sept.

“Ndefwaya ing’umfwe ifyo muletontonkanya pali fi ifyalembwa apa. [Belengeni 1 Timote 6:10.] Bushe na imwe e fyo mumona ukuti abantu abatemwa sana indalama ne fyuma ca cine balacula? [Lekeni basuke.] Iyi magazini nailondolola ububi bwaba mu kufwaisha ifyuma.”

Ulupungu lwa kwa Kalinda Oct. 1

“Bushe limo mulalanguluka amuti, ‘kanshi nga nshacitile ifi ’? [Lekeni basuke.] Moneni ifyo ifi filembelwe apa filelanda pa mulandu ifwe bonse limo tulangulukila nga twasalapo ukucita ifintu fimo. [Belengeni Yeremia 10:23.] Iyi magazini ilelondolola ifyo amano yaba mu Baibolo yatwafwa ukusala bwino ifya kucita.”

Loleni July–Sept.

“Bushe mwalishiba umulandu abantu bamo abaupana bomfwanina, ilintu bambi tabomfwana no kulekana balalekana? [Lekeni basuke.] Ici cipande cilepanda abaice amano na bantu fye bonse abaletontonkanya pa kuupa nelyo ukuupwa ifyo bengeshiba nampo nga umuntu baleishishanya nankwe kuti aisaba umuntu musuma nga baupana.” Belengeni Amapinda 22:3.