Ifya Kulanda Pali Bamagazini

Ulupungu lwa kwa Kalinda Sept. 1

“Bushe muletontonkanya ukuti ni kwi uko twingasanga ukupanda amano ukwawamisha ilyo tulefwaya ukucita fimo ifyacindama mu bumi? [Lekeni basuke. Belengeni Amapinda 3:5, 6.] Ici cipande cilelanda sana pa mano ya kwa Lesa aya kuti ilyo tatulacita fimo tufwile ukutontonkanya pa fingafumamo.” Balangeni icipande cili pe bula 8.

Loleni July–Sept.

“Apo Baibolo itweba ukutaluka ku lubuli no kukansana ukupitila mu kuba aba mutende cila bushiku, cinshi umuntu engacita nga ca kuti aingililwa ku cipondo icikwete imfuti? [Lekeni basuke. Lyena belengeni Luka 6:29.] Ici cipande cilelanda pa fyo tufwile ukumona ukukansana pa kuti tusengauke ubusanso. Cilelanda na pa fyo cingawamina ukuti tupusushe ubumi ukucila ukufwaya ukucingilila ifikwatwa ilyo twasanswa.” Balangeni icipande icili pe bula 10.

Ulupungu lwa kwa Kalinda Oct. 1

“Muli shino nshiku shayafya, abengi balisakamikwa pa fyo ifintu fikaba ku ntanshi. Cinshi cimwafwa ukuba ne subilo? [Lekeni basuke.] Moneni ifyo Baibolo yalaya. [Belengeni Esaya 65:17.] Iyi magazini ilelanda pa milandu ine ine iyo tulingile ukubela ne subilo.”

Loleni July–Sept.

“Bushe kuti mwatila tuleikala mu nshita iyo balandapo pano? [Belengeni 2 Timote 3:1-4. Lyena lekeni basuke.] Caliba fye bwino ukufwaisha ukwishiba pa lwa nshiku sha kulekelesha pantu inshiku sha kulekelesha cilangililo ca kuti ifintu fikawama pe sonde. Iyi magazini e fyo ilelondolola.” Balangeni ifipande ifitampile pe bula 19.