Ifya Kulanda Pali Bamagazini

Ulupungu lwa kwa Kalinda Sept. 15

Shimikeni icacitike nomba line ico bonse beshibe ku mwenu. Lyena ipusheni amuti: “Bushe ifi ili Lembo lyalondolola pa nshiku tuleikalamo fya cine? [Belengeni 2 Timote 3:1, kabili lekeni basuke.] Iyi magazini nailondolola bwino bwino ifilangilila ukuti tuleikala mu nshiku sha kulekelesha kabili nailanda ne fyo tulingile ukucita.”

Loleni July–Sept.

“Bushe mwalishiba umulandu tukotela? [Lekeni basuke.] Baibolo yalilondolola umulandu tukotela kabili yalilanda ne fyo Lesa acita pa kuti tukaipakishe ubumi ukwabula ukukota. [Belengeni Esaya 25:8.] Iyi Loleni! ilelanda ifyo bamo bamona ukukota.”

Ulupungu lwa kwa Kalinda Oct. 1

“Abasambilila pa bumi baleesha na maka ukufwaya inshila ishingi isha kundapilamo amalwele pa kuti tulekokolako pa calo. Bushe mwalitontonkanyapo ukuti kukaba inshita iyo tukekala umuyayaya? [Lekeni basuke.] Moneni umulandu tufwaila ukwikala umuyayaya. [Belengeni Lukala Milandu 3:11.] Iyi magazini ilelondolola umulandu Lesa atupangile mu nshila ya kuti tulefwaisha ukwikala umuyayaya.”

Loleni July–Sept.

“Abantu abengi baishiba ukuti ico tuculila lubembu lumo ulo abafyashi besu abakubalilapo bacitile. Bamo nabo tabaishiba ulubembu ulo abo bantu bacitile ne fyo cali. Bushe imwe mwalishiba? [Lekeni basuke.] Ici icipande ilelanda ifyo Baibolo yalondolola ifyo cali icalenga ukuti bonse tube ababembu.” Belengeni Ukutendeka 2:16, 17.