Ifya Kulanda Pali Bamagazini

Ulupungu lwa kwa Kalinda Sept. 15

“Abantu abengi mwi sonde lyonse balyumfwa pali Yesu Kristu. Bamo, batila ali fye muntu nga ifwe bene, ni co fye ena alishibikwe sana. Bamo balamupepa nga Lesa wa Maka Yonse. Bushe batini mutila Yesu Kristu ali nani? [Lekeni basuke.] Uno magazini alelondolola bwino bwino untu Yesu ali, uko afumine na kuntu aba pali lelo.” Belengeni Yohane 17:3.

Loleni July–Sept.

“Batini, bushe abafyashi kuti bayafwa shani abana babo imisepela ukukanaponena mu mafya? [Lekeni basuke. E lyo belengeni Esaya 48:17, 18.] Uyu magazini alelanda pa fyo ukufunda kwa mu Baibolo kwingafwa abafyashi ukulalanshanya bwino na bana babo ne fyo abafyashi bengasuminishako abana ukulacita.”

Ulupungu lwa kwa Kalinda Oct. 1

Belengeni icipusho cili pa nkupo. Lyena ipusheni amuti: “Bushe namucishiba icishibilo cilelandwapo pano? [Lekeni asuke. Lyene belengeni Mateo 24:3.] Uno Magazini wa Ulupungu lwa kwa Kalinda alelanda pa fintu ifikalamba fisano ifyaba muli ici icishibilo kabili ilelondolola umulandu tulekabila ukwishiba ici cishibilo.” Balangeni umukululo uli pe bula 6.

Loleni July–Sept.

“Bonse twalishiba ukuti nga twalwala tulasakamikwa kabili tulakalipwa. Bushe pali ifyo twingacita pa kuti twilasakamikwa sana? [Ilyo bayasuka, belengeni Amapinda 17:22.] Uyu magazini alelanda pa fyo ukuseka kwingatwafwa ukushipikisha no kukanasakamikwa sana ilyo tuli na mafya.”