Bushe Mwalibomfyapo Ifiba pe Bula lya Kulekelesha Ilya Magazini?

Ilyo abantu tabalatendeka ukubelenga magazini ilingi line batendekela ukulolesha pa nkupo lyena bwangu bwangu bapilibula no kumona ifili pe bula lya kulekelesha. Pe bula lya kulekelesha ilya Ulupungu lwa kwa Kalinda ulwa bantu bonse palaba amepusho e lyo ne fyebo fimbi ifisuma pamo ne nambala sha mabula apo mwingasanga ifyo fyebo.

Pa kutendeka ukulanshanya na bantu mwi bala kuti twabomfya aya mepusho ayasangwa pali ili ibula lya kulekelesha. Nga ca kuti mu cifulo cesu tulabombelamo libili libili, kuti twayalula inshila sha kushimikililamo lintu tulebomfya ifipusho fyalekanalekana mu mweshi onse. Nga ca kuti abo tuleshimikilako bali ne ncito, kuti twaipifya ukulanshanya kwesu nga twabomfya icipusho icili pe bula lya kulekelesha ilya magazini no kusoso kuti, “Nga ca kuti mulefwaya ukwishiba icasuko, kuti namushila iyi magazini kabili kuti twaisalanshanya bwino ilyo mukakwata inshita.” Bakasabankanya bamo, kuti pambi batendeka ukulanshanya no muntu ilyo bamulanga ifili pe bula lya kulekelesha no kumweba ukusala icipusho ico engatemwa. Lyena kuti bamulanga ukwa kusanga icasuko no kubelenga ilembo ilyo basalile calimo. Napamo kuti mwatontonkanya na pa nshila na shimbi isha kubomfeshamo ifyaba pe bula lya kulekelesha pa kuti mwalenga abantu ukufwaisha ukubelenga Ulupungu lwa kwa Kalinda.