Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu September

“Abantu abafuma ku fyalo ifyapusanapusana kabili abasumina mu fyapusana balapepa cila bushiku. Bushe muletontonkanya Lesa alakutika no kwasuka amapepo Yonse?” Lekeni basuke. Lyena peleni abene ba ng’anda Ulupungu lwa kwa Kalinda ulwa September 1 kabili belengeleni capamo no kulanshanya ifyebo fili pa kamutwe ka kubalilapo pe bula 16. Kabili belengeniko ne lembo limo pa malembo ayashambwilwe. Shalikeni magazini, kabili bepusheni icipusho na cimbi no kupangana ilyo mukabwelelako pa kuti mukayebasuka.

Ulupungu lwa kwa Kalinda September 1

Balangeni ifyebo ifili pa nkupo ya magazini, no kutila: “Kuti mwayasuka shani ici cipusho? [Lekeni basuke.] Moneni ifyo Baibolo ilanda. [Belengeni 1 Yohane 5:19.] Ukulingana ne li lembo, “umubifi,” Satana, e uteka icalo. Lelo aya mashiwi kuti yalenga twaipusha ifipusho fya kuti: Ni kwi Satana afumine? Bushe muntu uwa cine cine? Bushe Lesa akamusuminisha ukuteka ukufika lilali? Iyi magazini ilelondolola ifyo Baibolo yalandapo pali ifi fipusho.”

Loleni! July–September

“Bonse fye tulomfwa ububi uo twatemwa nga afwa. Bushe batini, Baibolo kuti yatwafwa ica musango yu nga catucitikila? [Lekeni basuke. Lyena belengeni Amalumbo 55:22.] Muli iyi magazini muli ifyebo fya mu Baibolo ifingatwafwa ukwishiba ifya kucita nga twafwilwa.”