Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu September

“Abantu abengi basumina ukuti bushiku bumo Lesa akabapingula pa fyo bacita. Bushe mulafwaisha ukuti Ubushiku bwa Bupingushi bukese nelyo bushe mulabutiina? [Lekeni basuke.] Moneni ifyo iyi magazini ilelanda.” Lyena peeleni abene ba ng’anda Ulupungu lwa kwa Kalinda ulwa September 1 kabili belengeleni capamo no kulanshanya ifyebo fili pa kamutwe ka kubalilapo pe bula 16 kabili belengeniko ilembo limo. Shalikeni magazini, kabili panganeni ilyo mukabwelelako pa kuti mukayelanshanya icipusho cikonkelepo.

Ulupungu lwa kwa Kalinda September 1

“Mu fyalo ifingi, abanakashi balibasuula kabili balabacusha. Ku cabulanda, ifyo basambilisha mu macalici e fyalenga no bwafya ukukula. Bushe muletontonkanya ukuti Lesa alibika amano ku banakashi? [Lekeni basuke.] Moneni ifyo Baibolo yeba abalume ifyo balingile ukusunga abakashi babo. [Belengeni Abena Efese 5:28, 29.] Iyi magazini ilelanda ifyo Baibolo ilanda pa fyo Lesa amona abanakashi.”

Loleni! July–September

“Ukulya ifya kulya ifishili bwino mulafuma amafya ayakalamba sana. Ku ca kumwenako, abantu abengi balalwala amalwele ayabipa sana pamo nga kolera. Inga imwe mumona ukuti cinshi cilenga ifya kulya ukubipa? [Lekeni basuke kabili belengeni Ubwina Lebi 11:32b, 34.] Icipande cili pe bula 13 muli ino magazini cilelanda pa fingatwafwa ukukanalya ifya kulya ifishili bwino.”