Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu September

“Abantu abengi balisumina ukuti kwaliba ba malaika. Inga imwe? [Lekeni basuke.] Bamalaika balikwata sana amaka pantu fibumbwa fya mupashi, lelo abantu bamo tabaishiba nampo nga kuti batwafwa nelyo iyo. Moneni ifyo Baibolo yalanda pa fyo bamalaika bafwa abantu muno nshiku.” Balangeni ifyebo fili ku nkupo ya ku numa ya Ulupungu lwa kwa Kalinda ulwa September 1, no kulanshanya ifyebo fili pa cipusho ca kubalilapo kabili belengeniko ne lembo limo. Bapeeleni magazini kabili panganeni ilyo mukalanshanya icipusho cikonkelepo.

Ulupungu lwa kwa Kalinda September 1

“Bushe muletontonkanya kuti abantunse balyonaula sana isonde, ica kuti tapali no wingaliwamya? [Lekeni basuke.] Nangu ca kutila abantunse te kuti bawamye sonde, Baibolo yatila Lesa kuti aliwamya kabili alafwaya sana ukuliwamya. Moneni ifyo yalanda pa Amalumbo 65:9 [Belengeni.] Iyi magazini ilelanda pa fyo Lesa akawamya isonde ne fyo twingacita pa kuti tukabe mu calo icisuma ico akawamya. Bushe kuti mwatemwa ukubelenga iyi magazini?”

Loleni! July–August

Ilyo mulepeela abantu magazini pa mpela ya mulungu, pa kubapeela na Loleni! kuti mwatila: “Tulefwaya ukumupeelako na Loleni! ya uno mweshi iileyasuka icipusho ca kuti, Finshi Filenga Umuntu aba Cibusa Musuma?”