Bushe Impapulo Tushalika Shiba Shani?

Naciwama ukwipusha ici cipusho pa mpapulo ishili shonse isho tulepanga ukushila abantu mwi bala. Ulupapulo ululi lonse ulukonkontene, ulwacucuka, ulwafiko, nelyo ulwalepuka lukalenga abantu baletontonkanya ifyabipa pa kuteyanya kwesu, kabili kuti calenga abo tulelanda nabo ukufilwa ukumona ubusuma bwaba mu mbila nsuma iingabapususha iisangwa mu mpapulo shesu.

Finshi twingacita pa kuti tulesunga impapulo shesu isha busaka? Abengi ifyo bacita, balabika bwino bwino impapulo mu cola pa kuti impapulo ishapalana shaba ulubali lumo. Ku ca kumwenako, balabika amabuku yeka, magazini na mabroshuwa fyeka, amatrakiti yeka, kabili ifi ifine e fyo babika ne mpapulo shimbi. Pa kubwekesha Baibolo ne mpapulo shimbi mu cola, balabika bwino bwino pa kuti shionaika. Bakasabankanya bamo balabika impapulo shabo mu maplastiki. Te mulandu no mo tubika impapulo shesu, tatufwaya ukulenga umuntu ukutendeka ukufwaya apa kusangila ifilubo mu mulimo wesu uwa kushimikila pa mulandu wa kuti twamupeela impapulo shaonaika.—2 Kor. 6:3.