Bushe Na Imwe Mufwile Ukwinuka?

Bakasabankanya bamo nga baleshimikila balikwata inshita iyo batemwa ukwinukilapo, nalimo kuti batemwa ukwinuka pa 12hrs. Limbi kuti kwaliba ifilenga bamo ukulainuka pa nshita benukilapo. Nga imwe, bushe mulenuka bwangu mu mulimo pantu fye abo muleshimikila nabo bainuka nangu pantu e nshita bakasabankanya abengi benukilapo mu cifulo cenu? Bushe te kuti ciwame ukutwalilila ukushimikila, nalimo ukubombako ubunte bwa pa cintubwingi pamo nga ukushimikilako mu musebo? Ilyo muleya ku ng’anda, bushe te kuti ciwame ukuyamonako abantu bamo abo mwashimikiile? Kuti cawama icine cine nga mwasangako fye nangu umuntu umo nelyo nga mwapeelako magazini umuntu umo fye uulepita mu musebo! Nga mulepoosa inshita ikalamba mu mulimo wa mwi bala, mukalanga ukuti mulafwaisha ukupeela “ilambo lya kulumbanya” Lesa.—Heb. 13:15.