Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu May

“Umuntu fye uuli onse alalufyanya. Nomba batini, bushe Lesa kuti aelela no muntu uucitile ulubembu ulwabipisha icine cine?” [Lekeni basuke.] Balangeni icipande cili pe bula 15 mu Ulupungu lwa kwa Kalinda ulwa May 1, lyena lanshanyeni ifyebo ifili pa cipusho cakubalilapo, kabili belengeniko ne lembo limo. Bapeeleni magazini, no kupangana ilyo mukabwelelako pa kuti mukayelanshanya icipusho cikonkelepo.

Ulupungu lwa kwa Kalinda May 1

“Bushe kuti mwalandapo shani pa fyo ili ilembo lilanda? [Belengeni 1 Yohane 4:8.] Abantu abengi balisumina ifyo Baibolo ilanda pali ili lembo, nomba bamo batila Lesa munkalwe pantu e ulenga nelyo ukusuminisha amasanso yakalamba ayepaya abantu. Nga imwe muletipo shani? [Lekeni basuke.] Iyi magazini nailondolola umulandu tushifwile ukulamwena ukuti Lesa munkalwe.”

Loleni! March–April

“Caliseeka ku bantu muno nshiku ukuya ku fyalo fimbi ku kufwaya imikalile iisuma. Bushe muletontonkanya ukuti abakuukila ku fyalo fimbi balasanga imikalile bafwaya? [Lekeni basuke.] Na ku kale, abantu balekuuka ukuya ku fyalo fimbi. Moneni bamo abakuukile abo balandapo mwi buuku lya kubalilapo ilya mu Baibolo. [Belengeni Ukutendeka 46:5, 6.] Iyi magazini ileasuka ifi fipusho.” Balangeni ifipusho fili pa mpela ye bula 6.