Bushe Kuti Mwabombako Nabo?

Mu filonganino ifingi mwaliba bakasabankanya abashishimikila sana pa mulandu wa kulwalilila nelyo ubukote. (2 Kor. 4:16) Kuti cawama sana ukutantika ukulaya na bakasabankanya ba musango uyo mu kutungulula isambililo. E lyo nga kasabankanya alilwala ica kuti tafuma na pa ng’anda, limo kuti mwapekanya ukuti muye musambilile ne sambililo lyenu ku ng’anda ya kwa kasabankanya uwalwala. Bushe te kuti mupekanye ukuti limo limo mulebombako panono na kasabankanya uwalwalilila mu mulimo wa ku ng’anda ne ng’anda nelyo ukumusendako ku cipempu cimo nelyo fibili? Bakasabankanya abakalamba abengi balishimikila pa myaka iingi kanshi kuti twasambililako ifingi nga nshi. E ico nga mwabomba nabo mukakoseleshiwa sana kabili nabo bene bakakoseleshiwa. (Rom. 1:12) Na kabili, nga mulecita ifi Yehova akamupaala nga nshi.—Amapi. 19:17; 1 Yoh. 3:17, 18.