Mulebomfya Bwino Impapulo

Yesu asambilishe ukuti: “Mwapeelwe fye ubupe, na imwe mulepeela fye.” (Mat. 10:8) Tulomfwila ifyo Yesu asambilishe nga tatulelipilisha umuntu uo twapeela Baibolo nelyo impapulo. (2 Kor. 2:17) Na lyo line, mu mpapulo tupeela abantu mwaliba icine icacindama icaba mu Cebo ca kwa Lesa. Pa kupanga impapulo no kushituma ku filonganino fyonse mu calo, balabomfya indalama ishingi sana. Kanshi tufwile ukusenda fye isho tulekabila.

Mufwile ukulailuka ilyo mulepeela abantu impapulo, nangu fye ni lintu muleshimikila ku cintubwingi. (Mat. 7:6) Mu nshita ya kupeela fye umupita nshila impapulo, mulingile ukulanshanya nankwe ilyo tamulamupeela pa kuti mwiluke nga natemwa ifyo mulelanshanya. Ifipusho fili mu kabokoshi kuti fyamwafwa ukwiluka nga ca kuti umuntu mulelanshanya nankwe nalinga ukumupeela ulupapulo nelyo iyo. Nga tamwishibe bwino umuntu nga natemwa ifyo mulelanshanya nankwe, kuti cawama mwamupeela trakiti. Nomba nga ca kuti alefwaya magazini nelyo ulupapulo lumbi, kuti mwamupeela.—Amapi. 3:27, 28.