Talemaot Gud Nyus—Yumi Wantem Statem Ol Baebol Stadi
1 Kingdom Wok Blong Yumi long Ogis 1991 i pulum yumi blong mekem wok blong planem mo putum wota taem yumi mekem disaepol blong Kraes. Hem i soemaot long yumi blong tingbaot blong mekem ol Baebol stadi wetem ol man, from we yumi laekem ol man we oli lesin long mesej blong Kingdom. Sipos yumi askem ol man blong mekem Baebol stadi long olgeta, yumi stap wok blong mekem disaepol.—Mat. 28:19, 20.
2 I gud blong luk se plante long yumi oli stat finis blong folem ol advaes ya. Ol ripot i soemaot se i gat plante moa man we oli stadi wetem yumi. Olgeta we oli jes stat blong mekem Baebol stadi wetem ol narafala man oli harem gud from we oli joen long wok ya blong mekem disaepol. ?Olsem wanem yu save joen moa blong mekem wok ya?
3 Yusum Buk Blong Manis Ya: Novemba hem i wan gudfala manis blong traem statem ol Baebol stadi. Bambae yumi seremaot New World Translation Baebol mo Trutok buk. Gud rod blong pulum man blong haos blong i intres i blong yusum ol tok we yu save faenem long Reasoning buk.
4 Yumi save yusum ol fas tok we i stap long pej 10 blong Reasoning buk blong tokbaot Baebol. I gat faef rod blong pulum tingting blong man long Baebol. Yumi save enkarajem ol man blong yusum Baebol blong faenemaot ol ansa blong ol kwestin blong laef tede. Samting ya i save openem rod blong statem Baebol stadi.
5 Aninit long smol nem ya “Home Bible Study” long pej 12 blong Reasoning buk, i gat tu tingting we yu save yusum blong pulum tingting blong ol man long Trutok buk. Tufala i enkarajem ol man blong yusum buk blong mekem stadi wetem ol kwestin mo ansa. Sipos yu yu yusum fasin blong askem stret Baebol stadi, yu save yusum ol tok we i stap long Kingdom Wok Blong Yumi blong Septemba 1991.
6 Trastem Jeova: Blong gat gudhan blong statem Baebol stadi yumi mas tingbaot se samting ya i save kamaot from Jeova i givhan long yumi. Jeova i halpem yumi taem yumi stap traehad blong givhan long ol man. (1 Korin 3:6) Taswe yumi mas askem long Jeova long prea, blong yumi save faenem wan man blong stadi wetem. Mo tu yumi save askem long Jeova blong i givhan long ol man we yumi faenem finis, we oli stap intres long trutok, blong oli save gohed. (Jon 16:23) Yumi mas tingbaot we yumi “stap joen wetem God blong mekem wok blong hem.”—1 Korin 3:9.