Miting Blong Kingdom Wok Blong Jun
Wik We i Stat Long Jun 1
Singsing 191
5 menet: Lokol mesej mo Advaes long Kingdom Wok Blong Yumi we i stret long kongregesen.
20 menet: “Man We i Hae Moa Long Olgeta Man.” Kwestin mo ansa. Mekem wan pleplei taem yu tokbaot haf 4: soemaot olsem wanem blong seremaot buk ya. Talem from wanem i impoten blong yumi savegud buk ya.
20 menet: “Talemaot Gud Nyus—Wetem Man We i Hae Moa Long Olgeta Man.” Tokbaot haf ya wetem ol kwestin mo ansa. Mekem tu pleplei: faswan i mas soemaot ol tok we oli stap long haf 3; long namba tu pleplei, soemaot kwiktaem olsem wanem yumi save statem Baebol stadi wetem nyufala buk ya.
Singsing 74 mo laswan prea.
Wik We i Stat Long Jun 8
Singsing 106
10 menet: Lokol mesej. Tu fultaem no haftaem paenia oli save mekemrere wan pleplei blong eksplenem wanem kaen fastok oli karem frut long teritori.
20 menet: “!Yumi Gat Speret Blong Sakrafaes!” Tok i stanap long Wajtaoa (Engglis mo Franis) Febuwari 1, 1992, pej 25 kasem 28. Makem i klia se speret blong sakrafaes i no wan samting we Kristin man i save jusum blong mekem no no mekem. Hem i wan samting we ol Kristin oli mas mekem. Yumi no lus taem yumi sakemaot tingting blong wantem samting blong yumi no taem yumi lego sam taem blong spel blong yumi blong lukaot long ol samting blong Kingdom fastaem.
15 menet: Tokbaot ol lokol nid.
Singsing 49 mo laswan prea.
Wik We i Stat Long Jun 15
Singsing 177
10 menet: Lokol mesej. Talem ol impoten namba long ripot long wok blong prij blong manis Maj. Talem klia olsem wanem kongregesen i joen long ol namba ya. Ripot blong ol kaon. Talem tangkyu long kongregesen from gudfala wok we oli mekem long wok blong prij mo long gudfala tingting we oli gat blong sapotem kongregesen long saed blong ol presen mane.
20 menet: “?Yu Yu Stap Holem Jans Blong Prij?” Tokbaot mo mekem pleplei long ol bigfala poen long haf ya. Makem klia se from we yumi Wetnes blong Jeova oltaem, taswe yumi wantem holem evri jans blong prij. Talem tu ekspiryens we i soemaot se wok blong holem jans blong prij i save karem gudfala frut, no olsem wanem wan memba blong kongregesen i stat blong intres long trutok taem wan narafala i tekem jans blong prij long hem.
15 menet: Tok wetem pleplei: Storeyan wetem Baebol mo seremaot nyufala buk ya Man We i Hae Moa Long Olgeta Man. Soemaot olsem wanem ol nyuwan mo ol yangfala pablisa oli save givimaot buk ya long wan fasin we i isi nomo, sipos oli yusum olgeta pija we oli stap insaed long buk ya. Long ol pleplei, soem se yumi mas glad taem yumi seremaot buk ya.
Singsing 52 mo laswan prea.
Wik We i Stat Long Jun 22
Singsing 173
5 menet: Lokol mesej. Tiokratik Nyus. Skelem ol namba blong ripot ya wetem hemia we sem brenj ofis i givim we i stap long Yearbook 1987, long ripot blong sevis yia 1986.
20 menet: “Wok Blong Paenia i Karem Bigfala Frut.” Kwestin mo ansa. Toktok wetem tu paenia. ?Wanem kaen trabol oli winim finis blong mekem se oli save kam paenia? ?Wanem samting i pusum olgeta blong kam paenia? ?Wanem samting i givhan long olgeta blong stap gohed long wok ya? Leftemap tingting blong evriwan blong oli tingbaot prapa fasin blong laef blong olgeta long prea.
20 menet: Ol lokol nid. Yu save luk bakegen sam poen we oli bin kamaot long seket asembli blong yumi no long wan dei asembli blong yumi we oli laenapgud wetem kongregesen.
Singsing 149 mo laswan prea.
Wik We i Stat Long Jun 29
Singsing 79
10 menet: Lokol mesej. Mekem tu pleplei blong soemaot olsem wanem yumi save yusum Baebol taem yumi seremaot magasin long wiken.
15 menet: “Laen Blong Ol Aposol” (“Apostolic Succession”). Elda we i lukaot long wok blong prij i mekem visit wetem wan paenia long wan man we i askem wan kwestin olsem: “?Pop i no kam long laen blong aposol Pita?” Toktok i stanap long Reasoning buk, long pej 39 kasem namba tu haf long pej 41 (336-338).
20 menet: “Wok Blong Paenia—Wan Rod Blong Soem Lav.” Kwestin mo ansa. Taem yu tokbaot finis haf 3 mo 4, askem kwestin long tri fultaem paenia (no sam pablisa we oli mekem wok blong haftaem paenia oltaem no samtaem nomo). I gud sipos wan long olgeta i wan yangfala paenia we i mekem wok ya jes afta we hem i finisim skul blong hem. Askem olgeta olsem wanem oli bin stretem ol samting long laef blong olgeta blong oli save kam paenia, wanem samting i pusum olgeta, wanem samting long saed blong bodi oli mas lego blong mekem wok ya mo wanem kaen blesing oli kasem taem oli mekem wok olsem fultaem paenia.
Singsing 167 mo laswan prea.