Miting Blong Kingdom Wok Blong Julae
Wik We i Stat Long Julae 6
Singsing 143
10 menet: Lokol mesej mo Advaes long Kingdom Wok Blong Yumi. Mo tu, soemaot tu poen we yumi save yusum taem yumi seremaot Wajtaoa blong Julae 1, 1992.
20 menet: “Yusum Ol Buklet We Oli talemaot Hop Blong Yumi Long Kingdom.” Tok wetem kwestin mo ansa, mo sam pleplei. Letem kongregesen i save long stok blong ol buklet we oli stap, mo askem long ol man we oli stap lesin wanem kaen buklet nao i stret long teritori blong yumi. Taem yu tokbaot haf 9, mekem wan pleplei we i soem wanem kaen buklet yumi save seremaot taem yumi holem jans blong prij long wan man we i stap kolosap long haos blong yumi, long wan fren long wok, no long narafala ples. Sipos i gat inaf taem askem sam pablisa we oli mekemrere finis blong talem sam ekspiryens we oli gat taem oli yusum ol buklet. Yu mas glad blong leftemap tingting blong olgeta brata blong oli joen fulwan long wok blong seremaot ol buklet long manis Julae.
15 menet: Buklet ya School and Jehovah’s Witnesses i impoten tumas. Wan elda we i gat pikinini i save mekem tok ya. Talemaot from wanem buklet ya i impoten blong givhan long ol tija blong skul blong luksave bilif blong ol Wetnes blong Jeova mo blong halpem ol Kristin papa mama mo ol yangfala long ol samting we i laenap wetem ol wok blong olgeta long skul. Ol papa mama oli save luk bakegen mo bakegen olgeta poen we oli stap long buklet ya wetem ol yangfala. Taem i gat wan trabol no wan kwestin i kamaot, luk long buklet blong soem stretfala rod long yu. I gud blong lukluk moa long sam poen olsem “Ol Gudfala Rul Long Fasin Blong Laef” (Sound Moral Principles) mo “Ol Spel mo Lafet” (Holidays and Celebrations). (Pej 9-11, 17-21) Blong finisim, talemaot from wanem i impoten blong olgeta papa mama oli save intres long skul blong pikinini blong olgeta mo wokgud wetem olgeta man blong lukaot long skul.—Pej 30 mo 31.
Singsing 48 mo laswan prea.
Wik We i Stat Long Julae 13
Singsing 92
10 menet: Lokol mesej. Ripot blong ol kaon. Tiokratik Nyus. Talem bakegen ol taem mo ples blong prij blong kongregesen.
20 menet: “Joenem Ol Fastok Blong Yumi Wetem Ol Buk.” Tok wetem pleplei. Ol yangfala pablisa oli save mekemrere wan pleplei we i soemaot olsem wanem oli save yusum Baebol blong toktok wetem ol man taem oli folem advaes we i stap long haf 2. Taem yu tokbaot Aesea 65:21-23, yusum ol tok we oli stap long haf 5. Wan narafala pablisa i save soemaot olsem wanem blong seremaot buklet ya “Look!” taem hem i folem ol tok we oli stap long haf 3 mo 4. Long tufala pleplei brata we i mekem tok i save soemaot klia olsem wanem pablisa i joenem ol toktok blong hem wetem buk we hem i seremaot. Long wan pleplei soemaot olsem wanem pablisa i save gohed long tok blong hem nating se man blong haos i no intres. Talem long ol brata mo sista long kongregesen blong karem plante buklet mo magasin afta long miting.
15 menet: Kwestin Long Saed Blong Amageden. Tok i stanap long Reasoning buk, long pej 44 kasem 49 (181-186).
Singsing 74 mo laswan prea.
Wik We i Stat Long Julae 20
Singsing 160
15 menet: Lokol mesej. Tokbaot ripot blong kongregesen long manis Jun, talem sam poen long hem mo leftemap tingting blong evriwan blong gohed strong moa. Soemaot olsem wanem vas blong yia wetem ol vas raonabaot long hem i save givhan long yumi blong faenem trufala glad taem yumi joen long wok blong prij mo taem yumi joen wetem kongregesen. (Rom 12:9-16) Sipos i gat inaf taem, talemaot wan no tu gudfala poen we yumi save yusum long wok blong prij long wiken ya.
15 menet: “?Yu Yu Askem Baebol Stadi?” Tok wetem kwestin mo ansa mo talemaot sam ekspiryens we oli soem olsem wanem yumi save statem Baebol stadi taem yumi toktok fastaem wetem olgeta man no taem yumi mekem visit bakegen.
15 menet: Tokbaot nid blong kongregesen. No toktok wetem tri no fo pablisa long wanem samting i bin pulum olgeta oli kam long trutok. Oli save tokbaot sam trabol tu we oli bin winim.
Singsing 216 mo laswan prea.
Wik We i Stat Long Julae 27
Singsing 180
10 menet: Lokol mesej. Ansa Long Wan Kwestin. Elda we i lukaot long wok blong prij i save tokbaot haf ya.
20 menet: “Wokem Intres Long Mesej Blong Kingdom i Gru.” Afta fastok blong yu, mekem wan pleplei blong soemaot olsem wanem yumi save mekem visit bakegen long (1) man we i glad blong tekem ol nyufala magasin, (2) man we i soem intres be i no wantem karem wan buk, mo (3) man we i glad blong karem buklet ya “Look!”. Long ol pleplei wanwan putum faondesen blong mekem visit bakegen.
15 menet: “Akseptem, Mekem i Wok, Mo Haremgud Long Tok Blong God.” Sam pablisa oli save talem sam gudfala tok we oli mekemrere finis blong soemaot fasin tangkyu blong olgeta long ol seket asembli olsem. Oli save tokbaot tu sam gudfala poen we oli lanem long seket asembli we i pas finis. Afta tok wetem kwestin mo ansa we i stanap long haf we i stap long pej 1. Talemaot dei blong nekis seket asembli, sipos yufala i save finis, mo leftemap tingting blong evriwan blong stap long dei ya.
Singsing 157 mo laswan prea.