Miting Blong Kingdom Wok Blong Janewari
Wik We i Stat Long Janewari 4
Singsing 23
10 menet: Lokol mesej mo stret Advaes we i kamaot long Kingdom Wok Blong Yumi.
10 menet: “Tijing Blong God—Distrik Asembli 1993.” Sekretari i mekem tok wetem kwestin mo ansa.
25 menet: Lokol nid no “Stret Tingting Long Saed Blong Ol Pleplei,” tok we i stanap long ol pej 3 kasem 10 blong Wekap! blong Novemba 8, 1992 (Engglis mo Franis).
Singsing 139 mo laswan prea.
Wik We i Stat Long Janewari 11
Singsing 162
10 menet: Lokol mesej. Talemaot ol plan long wok blong prij.
20 menet: “Talemaot Rod Blong Pis Mo Seftaem Blong God.” Kwestin mo ansa. Leftemap tingting blong ol pablisa blong yusum ol traket long wok blong prij. Afta we yu tokbaot haf 3, mekem pleplei: Wan pablisa we i reregud i soemaot olsem wanem blong statem Baebol stadi, long fastaem we hem i storeyan wetem man, no long wan visit bakegen, taem hem i yusum traket ya ?Wol Ya Bambae i Lus? Pablisa: “Gud moning. Mifala i stap storeyan wetem ol man we mifala i faenem olgeta long saed long fasin blong laef. ?Yu ting se fasin blong laef blong man i stap go long wan gud rod?” Man blong haos: “Mi no save.” Pablisa i soem traket mo talem se: “Plante man oli ting se ol samting we oli stap kamaot oli stap mekem profet tok blong Baebol i kamtru mo we en blong wol i kolosap nomo. ?Wanem tingting blong yu?” Man blong haos: “Mi no save. Ating bambae i no kamtru.” Pablisa i yusum traket blong eksplenem se en blong wol i no minim en blong prapa graon mo heven. Hem i soemaot tu buklet we oli stret mo askem wan fri Baebol stadi long man ya.
15 menet: Yumi Blokem Ol Trabol We Oli Joen Long Blad Transfyusen: Taem i kam nao blong jenisim kad blong yumi “Kad Blong Haospetal”; wan elda i tokbaot. Seremaot ol kad long ol pablisa we oli baptaes finis, afta tokbaotgud ol poen long leta blong 15 Desemba, 1991 we i tokbaot fasin blong yusum kad ya. Taem yufala i stap mekemrere, tokbaotgud ol poen long leta blong 1 Janewari, 1990. Olgeta we oli saen olsem wetnes oli mas luk stret, man blong kad ya i saenem fastaem. Askem olgeta we oli kasem wan nyufala kad blong oli fulumap bifo oli lego Haos Kingdom. Ol baptaes pablisa oli neva mas fogetem blong karem kad blong olgeta “Kad Blong Haospetal” taem oli goaot long ples blong olgeta. Sem mak ol yangfala blong ol Wetnes we oli no baptaes yet oli mas oltaem karem aedentiti kad blong olgeta wetem olgeta. Wan stadi we oli mekem i no longtaem long wan kongregesen long taem blong miting i soem se long faef pablisa wan i no karem kad blong hem wetem hem mo i no gat wan pikinini we i karem aedentiti kad blong hem wetem hem. Blong finisim, ridim mo soem olsem wanem blong mekem Proveb 22:3 i wok.
Singsing 151 mo laswan prea.
Wik We i Stat Long Janewari 18
Singsing 130
10 menet: Lokol mesej; Tiokratik Nyus; Ripot blong ol kaon; talem tangkyu long ol presen mane. Talem tangkyu long sapot blong olgeta long ol wok blong kongregesen mo mane we i go long Sosaeti from ol Haos Kingdom mo wok long olgeta ples long wol.
20 menet: “Yusumgud Ol Impoten Tul.” Afta long wan sot fastok, mekem tu pleplei we oli soem ol poen long haf 2 kasem 5. Long en blong faswan pleplei, man i karem tu magasin. Pablisa i promes blong kambak mo ansa long kwestin ya: “?From wanem God i letem fasin nogud i stap?” Long en blong namba tu pleplei, pablisa i statem wan Baebol stadi wetem traket. Leftemap tingting blong ol pablisa blong storeyan long Baebol long wiken ya.
15 menet: ?From Wanem Ol Kristin Oli No Tekem Blad? Wan elda i mekem tok ya. Reasoning buk, stampa tok “Blad,” mining blong hem mo ol tri faswan smol stampa tok, pej 359, 360 (70, 71 Eng).
Singsing 177 mo laswan prea.
Wik We i Stat Long Janewari 25
Singsing 128
15 menet: Lokol mesej. Tokbaot ol stampa poen long haf ya “Oli Prentem Bakegen Volyum Blong Wajtaoa.” Leftemap tingting blong ol man we oli lesin blong mekem wan laebri blong olgeta wan. Ol pablisa oli save leftemap tingting blong ol stadi blong olgeta blong kasem ol baond volyum ya. Oli save mekem oda long en blong miting folem ol advaes we oli givim insaed long Kingdom Wok Blong Yumi.
15 menet: “?Yu Yu Save Mekem Wok Blong Jeova Olsem Paenia? Kwestin mo ansa. Askem kwestin long wan yangfala we i fultaem paenia no wan pablisa we i bin paenia long yangtaem blong hem. Soemaot klia se ol papa mama mo ol narafala oli save leftemap tingting blong ol yangfala blong kasem mak ya blong paenia. Askem wanwan long olgeta blong tingbaotgud jans we oli gat blong save joen long fultaem minista wok. I taem naoia blong tingbaot blong mekem haftaem paenia long Epril.
15 menet: “Wok Long Intres Taem Yumi Mekemgud Visit Bakegen.” Wan sot tok we i gat pleplei long hem: Poen blong storeyan we i stap long haf 3. Sipos i gat inaf taem, tokbaot ol stampa poen blong storeyan. Fastok no joenem tok wetem wan vas blong Baebol.
Singsing 160 mo laswan prea.