Miting Blong Kingdom Wok Blong Septemba
Wik We i Stat Long Septemba 2
Singsing 98
10 menet: Lokol mesej. Sam Advaes long Kingdom Wok Blong Yumi.
15 menet: “Wokbaot From Bilif.” Kwestin mo ansa.
20 menet: “Talemaot Gud Nyus Wetem Positif Tingting.” Mekem fastok i stanap long haf 1. Nao tokbaot haf 2 kasem 5 nomo. Mekem sam pleplei we oli reregud fastaem, blong soem olsem wanem blong seremaot buk ya Revelesen, mekem visit bakegen, mo statem stadi long Save buk.
Singsing 48 mo laswan prea.
Wik We i Stat Long Septemba 9
Singsing 18
12 menet: Lokol mesej. Ripot blong ol kaon. Tokbaot “Talemaot Kingdom.”
18 menet: Tokbaot Ripot Blong Prij Blong Kongregesen Long 1996 Sevis Yia. Elda we i lukaot long wok blong prij i givim wan tok we i leftemap tingting mo i gat laef. (Lukluk Minista Wok buk, pej 100-102.) Talem ol haf blong ripot we kongregesen i mekem gudfala wok long hem, mo leftemap tingting blong olgeta from. Soem olsem wanem wok blong ol fultaem mo haftaem paenia i bin givhan bigwan long wok blong prij long ples blong yufala. Talem namba blong ol man we oli kam long ol miting, mo makem se i impoten tumas blong kam oltaem long ol miting. Talem sam gudfala mak we kongregesen i save traem kasem long yia we i kam.
15 menet: “Talemaot Gud Nyus Wetem Positif Tingting.” Tokbaot haf 6 kasem 8 nomo. Mekem sam pleplei blong soem olsem wanem blong prij long stoa mo blong mekem visit bakegen. (Lukluk sam moa advaes long Kingdom Wok blong Yumi long Desemba 1989, pej 4.) Leftemap tingting blong evriwan blong visitim ol man bakegen kwiktaem.
Singsing 123 mo laswan prea.
Wik We i Stat Long Septemba 16
Singsing 10
15 menet: Lokol mesej. Tokbaot “Ol Gudfala Samting Blong Tingtingbak Long Olgeta.” Tokbaot gudfala frut we i kamaot, taem samfala oli yusum video kaset ya Jehovah’s Witnesses—The Organization Behind the Name blong lidim ol man we oli intres oli kam long ogenaesesen. Blong smoltaem, talem wan no tu ekspiryens long Wajtaoa, Oktoba 1, 1992, pej 30 mo 31.
15 menet: “Soem Eksampel Long Ol Toktok Mo Fasin Blong Yu.” Kwestin mo ansa.
15 menet: Lokol nid. Sipos no, wan tok long “Stret Fasin i Givim Gudnem Long Wan Nesen,” we i kamaot long Wajtaoa blong Desemba 15, 1995, pej 26 kasem 29.
Singsing 32 mo laswan prea.
Wik We i Stat Long Septemba 23
Singsing 21
10 menet: Lokol mesej.
15 menet: Lokol nid. (Sipos no, wan tok we i stanap long haf ya “!Lukluk i Go Bitim Ol Samting We Yu Save Luk Naoia!” long Wajtaoa blong Febuwari 15, 1996, pej 27 kasem 29.)
20 menet: “Talemaot Gud Nyus Long Evri Ples.” Kwestin mo ansa. Tokbaot haf 1 kasem 15 nomo. Ridim haf 3 mo 5. Tokbaot sam ekspiryens long ples blong yufala, long saed blong olgeta we oli karem frut long wok blong prij long rod no taem oli stap long bas, bot no plen.
Singsing 215 mo laswan prea.
Wik We i Stat Long Septemba 30
Singsing 171
12 menet: Lokol mesej. Tokbaot Ansa Long Wan Kwestin.
20 menet: “Talemaot Gud Nyus Long Evri Ples.” Kwestin mo ansa. Tokbaot haf 16 kasem 35. Soem olsem wanem blong folem ol advaes ya long ples blong yufala. Mekem pleplei long haf 23 kasem 25. Ridim haf 34 mo 35.
13 menet: Tokbaot Buk We Yumi Seremaot Long Oktoba. Bambae yumi seremaot Wajtaoa mo Wekap! Yumi save mekem sabskripsen long faswan taem we yumi mitim ol man no taem yumi visitim olgeta bakegen. Tokbaot ol defren poen olsem: (1) Risen from wanem Sosaeti i prentem ol magasin, olsem faswan pej i eksplenem. (2) Oli prentem ol magasin ya long plante defren lanwis, mo samting ya i mekem save long saed blong Baebol i goaot long olgeta ples blong wol. (3) Wajtaoa i blong wanwan man, ol famle, mo ol grup, blong oli stadi long hem. (4) Ol man long ol defren skul oli stap ridim olgeta. (5) Yumi glad blong karem ol nyufala magasin oli go long eniwan we i rili wantem ridim. (6) Ol magasin ya oli stretgud long ol bisi man. (7) Oli wokem Wajtaoa stat long 1879 mo Wekap! stat long 1919. (8) Yumi givimaot ol magasin ya blong smol praes nomo. Long en, talem sam tok we wan man we i laekem blong ridim ol magasin ya i bin talem.—Lukluk Wajtaoa blong Epril 15, 1986, pej 32.
Singsing 3 mo laswan prea.