?Bambae Yu Gobak Long Haos?

Sam pablisa oli gat wan stret taem we oli finis long wok blong prij, maet long medel dei. Samfala oli gat wan gudfala risen blong finis long wan stret taem olsem. ?Olsem wanem long yu? ?Yu yu gobak long haos nomo from we ol narafala oli gobak, no from we yu yu lan finis blong stop long wan stret taem? ?Yu ting se yu save gohed smoltaem moa long wok blong prij, no yu save spenem smoltaem blong prij long rod, no long pablik ples? ?Yu save mekem wan no tu visit taem yu stap wokbaot blong gobak long haos? Yu traem tingbaot gudfala frut we i save kamaot. Maet yu faenem wan moa man we i glad blong lesin, no maet yu givim wan moa magasin long man we i pas long rod. Sipos yu no gat wan gudfala risen blong finis, i gud yu gohed blong smoltaem moa. Hemia wan isi rod blong ‘leftemap nem blong God. Hemia i olsem wan sakrefaes we yu givim long hem.’—Hib. 13:15.