Talemaot Stret Save Long Saed Long Jisas
1 Long wok blong prij blong yumi long Desemba, bambae yumi seremaot buk ya Man We i Hae Moa Long Olgeta Man. ?Wanem samting bambae yu talem blong statem wan storeyan blong Baebol, mo olsem wanem bambae yu tokbaot nambawan buk ya?
2 Yusum Ol Nyufala Traket Blong Yumi: Sam pablisa oli karem frut taem oli yusum traket blong faenemaot intres blong man bifo oli seremaot ol narafala buk. ?Olsem wanem yumi save mekem samting ya? Taem yumi seremaot nyufala traket blong yumi ?Wol Ya Bambae i Lus No i Stap?
Afta we yu talem halo, yu save talem se:
◼ “Mifala i stap askem ol man sipos oli agri se Jisas Kraes i man we i hae moa long olgeta man. [Letem taem blong ansa.] I tru, plante man oli gat paoa long fasin blong laef blong ol narafala man, sam oli givhan blong laen blong man i gohed, be makem wanem Jisas i talem we i mekem hem i narakaen olgeta long ol narafala. [Ridim Jon 17:3.] I no gat wan man we i gat paoa blong givim laef we i no save finis long ol man. [Openem i go long pej 3 blong traket.] Taem Jisas i stap long wol, hem i talem sam trabol we bambae oli kamtru bifo en blong wol. Be hem i leftemap tingting blong ol disaepol blong hem tu blong oli stap glad from ol trabol ya oli minim se kolosap bambae oli fri.” Tokbaot sam saen we oli soem se Kraes i stap finis, pulum tingting blong man i go long pej biaen, we i soemaot sam blesing we bambae oli kamaot from Kingdom rul blong hem.
3 Wan yangfala pablisa no wan nyu pablisa no wan we i no gat ekspiryens i save soemaot ol pija we oli stap long traket olsem wan fastok.
Yusum traket ya “?Wol Ya Bambae i Lus No i Stap?,” wan pablisa i save openem long pej 3 mo 4 mo talem se:
◼ “Luklukgud long tufala pija ya, wan we i soem plen i sakem ol bom long taem blong faet mo narawan blong wan pikinini we i hanggri. [Openem i go long pej 5.] Luk ol pija ya blong graon i seksek mo wan sik man i stap long haospetal. [Spel smol.] Baebol i soem se ol rabis samting olsem bambae i no longtaem oli finis.”
4 Afta, ridim Revelesen 21:3, 4 stret long Baebol no long traket long pej 6. Yu save tokbaot sam narafala poen antap long hem. Taem man i soem se hem i rili intres, yu save eksplenem kwiktaem nomo ol defren haf long wok blong yumi, livim buk Man We i Hae Moa, mo mekem plan blong visit bakegen.
5 Putum Faondesen Blong Nekis Visit: I tru, ating yumi livim wan traket, buk Man We i Hae Moa, no narafala buk no maet yumi storeyangud wetem man, yu save talem se: “Nekis taem, taem mi kambak, mi wantem tokbaot wan samting wetem yu long saed long taon we Jisas i bon long hem.” Yu mas mekem sua blong raetemgud ol not long visit ya mo intres we man i soem.
6 Kingdom i givim trufala hop long ol man. Yumi mas soem se yumi rili wantem tumas blong talemaot “tok ya blong God we fastaem i blong haed, . . . Tok ya i Kraes nomo,” long olgeta man we yumi faenem olgeta.—Kol. 2:2.